हजारो के सहभागिता मे वीरगंज मे भव्य शोभा यात्रा निकलल

वीरगंज १५ बैशाख

श्री हनुमान जन्मोत्सव के अवसर मे वीरगंज मे भव्य रुपमे शोभा यात्रा निकलल बा । बिश्व हिन्दु परिषद संघ के आयोजना मे शनिचर के दिने निकलल सोभा यात्रा भव्य एवं सभ्य रुपमे पुरा भईल बा ।
वीरगंज के घण्टाघर से सुरु भईल शोभा यात्रा माइस्थान, आदर्शनगर, अलखियामठ, विर्ता छपकैया होत घण्टाघर मे पुगके समापन भईल रहे । वीरगंज के अनेकन जगहा से ढोलबाजा आ झाकी सहित निकलल शोभा यात्रा घण्टाघर मे एकजुट होके नगरपरिक्रमा कईले रहे । शोभा यात्रा मे हजारो के संख्या मे हिन्दु धर्मावलम्बी लोग के सहभागिता रहल रहे । शोभा यात्रा के समय मे होखे सकेवाला सम्भावित घटना के मध्यनजर करके बहुते संख्या मे नेपाल प्रहरी तथा सशस्त्र प्रहरी खटल रहलन । पर्सा प्रहरी प्रमुख प्रहरी उपरिक्षक कुमोध ढुंगेल नेतृत्व मे सयो के संख्या मे पुलीससब खटल रहलन ।
शोभा यात्रा के सहभागिलोग के स्थानियलोग अनेकन जगहा मे स्वागत कईला के साथे पानी आ सरबत के व्यवस्था कईले रहलन ।