मधेश मे १० महिना मे १५.९६ प्रतिशत मात्र बजेट खर्च धनुषा २३ बैशाख,

धनुषा २३ बैशाख

सत्ता गठबन्धन मे फेरबदल आ प्रशासनिक नेतृत्व भी बदल रहल मधेस प्रदेश मे आर्थक बरीस २०८०÷०८१ के १० महिना मे करिब १५.९६ प्रतिशत मात्र बजेट खर्च भईल बा । मन्त्रालयसब मे सचिव आ कर्मचारी भी पर्याप्त ना भईला पर प्रदेश सरकार के बजेट खर्च प्रभावित बनल बा ।
वैशाख २१ गते शुक तक मधेश प्रदेश मे कुल बजेट के १५.९६ प्रतिशत मात्र खर्च भईल मिलल बा । चालु ओरी १८ अरब ५४ करोड ५८ हजार बजेट मेसे ३ अरब ९९ करोड ७१ लख ७८ हजार ७२२ रोपेया अर्थात २१.५५ प्रतिशत आ पुँजीगत ओरी के २५ अरब ५७ करोड ४५ लाख ७४ हजार मेसे ३ अरब ४ करोड ४६ लाख १४ हजार ७०५ रोपेया अर्थात ११.९० प्रतिशत करके कुल १५.९६ प्रतिशत बजेट खर्च भईल प्रदेश लेखा नियन्त्रक कार्यालय मधेश प्रदेश के लेखा अधिकृत मनोज कुमार झा बतवनी ।
मधेश प्रदेश के मुख्यमन्त्री सरोज कुमार यादव नेतृत्व के सरकार १२ बेर विस्तार भइल । मन्त्रालय, मन्त्री बढला पर भी सरकार के कार्यशैली आ बजेट कार्यन्वन मे कउनो बदलाव भईल नईखे । आर्थिक बरीस के अन्तिम समय मे योजना वितरण, बजेट रकमान्तर करके काम कईला पर समय मे भुक्तानी ना होखेके समस्या मधेश मे बढत गईल बा ।
मधेस प्रदेश मे मुख्यमन्त्री आ प्रमुख सचिव के तालमेल मे भी समय समय मे समस्या आवेला । मन्त्री आ सचिवसब के समन्वय भी कमजोर रहल अधिकारीलोग बतावेलन । आर्थिक बरीस के २ महिना मात्र बाँकी रहला पर इहाँ के कुछ मन्त्रालायसब सचिव बिहीन भईला से निमित्त के भर मे चलल बा । कुछ छुटी मे रहल बाडन । मुख्यमन्त्री तथा मन्त्रिपरिषद के कार्यलय सहित १२ मन्त्रालय रहल मधेस प्रदेश मे ४ मन्त्रालय निमित सचिव के भर मे चलल बा । श्रम तथा यातायात मन्त्रालय के सचिव सुरेन्द्र पौडेल १० दिन के लम्हर छुटी मे बाडन । अर्थ मन्त्रालय के सचिव सुवाशचन्द्र शिवाकोटी भी छुटी मे बाडन । सचिव विहिन रहल मन्त्रालयसब खेलकुद तथा समाज कल्याण मन्त्रालय मे चुडामणि फुयाल आ शिक्षा तथा संस्कृति मन्त्रालय मे महेन्द्र महतो निमित के जिम्मेवारी मिलल बा । उद्योग वाणिज्य तथा पर्यटन मन्त्रालय मे निमित सुशिल कुमार साह आ भौतिक पुर्वाधार विकास मन्त्रालय के सचिव ना भईला से राजकुमार गोइत निमित सचिव बाडन । मन्त्री आ मन्त्रालय के जानकरी बिना हि कर्मचारी के सरुवा भईला पर ५० प्रतिशत बजेट भी कार्यन्वयन करे खातिर चुनौती रहल भौतिक पूर्वाधार विकासमन्त्री सरोज यादव बतवनी । आर्थिक बरीस के अन्तिम समय मे जोडबल करके बजेट खर्च कईला पर बजेट दुरुपयोग होखेके संभावना रहल उ बतवनी ।
’मन्त्रालय के योजनासब भद्रगोल अवस्था मे रहल आ आर्थिक बरीस के अन्तिम समय मे अचानक सचिव के सरुवा भइला पर कईसे कम अगाडी बढी,’ मन्त्री यादव कहनी, ‘मन्त्रालय के कर्मचारीलोग भी मन्त्री उपर सकारात्मक नईखन । कर्मचारी के सरुवा मुख्यमन्त्री कार्यालय आ सचिव के सरुवा संघिय सरकार से होखेवाला भईला पर उलोग मन्त्री उपर उतरदायी बने ना चाहेलन । कर्मचारी, मन्त्री आ सरकारबीच समन्वय ना भईला पर बजेट खर्च प्रभावित भईल बा ।’ प्रदेश के भविष्य विकास निर्माण, बजेट खर्च आ मन्त्रीलोग के गतिविधि से मजबुत होखी’, उ कहनी ।