स्व. कृष्णसेन स्मृति दिवस के अवसर मे सञ्चारकर्मी खनाल आ मण्डल २१ हजार राशी सहित पुरस्कृत

वीरगंज १२ जेठ

प्रेस सेन्टर नेपाल पर्सा स्व.कृष्ण सेन स्मृति दिवस के अवसर मे पर्सेली दु जने क्रियाशिल सञ्चारकर्मीलोग के पुरस्कृत कईले बा ।
स्व. कृष्ण सेन के २२ वाँ स्मृति दिवस के अवसर मे वीरगंज के होटल वृन्दावन मे एक कार्जक्रम के आयोजना करके प्रेस सेन्टर के दु जने सञ्चारकर्मी के पुरस्कृत कईले बा ।
प्रेस सेन्टर नेपाल के केन्द्रिय सदस्य तथा बारा इञ्चार्ज कृष्ण उदास खनाल के कृष्ण सेन स्मृति सम्मान पुरस्कार आ सेन्टर के सदस्य राम मण्डल के प्रेस सेन्टर नेपाल पर्सा क्रियाशील पत्रकारिता पुरस्कार प्रदान कईल प्रेस सेन्टर नेपाल के केन्द्रिय सदस्य तथा पर्सा इञ्चार्ज नीरज पिठाकोटे मगर बतवनी । पुरस्कृत दुनु जने के जनही २१÷२१ हजार रोपेया के पुरस्कार राशी प्रदान कईल रहे ।
नेपाल पत्रकार महासंघ के केन्द्रिय सचिव दिपेन्द्र चौहान आ पर्सा के प्रमुख जिल्ला अधिकारी दिनेश सागर भुषाल सम्मानित दुनु जने पत्रकारलोग के प्रमाणपत्र तथा पुरस्कृत राशी बराबर के चेक हस्तान्तरण कईले रहलन ।
प्रेस सेन्टर नेपाल पर्सा के अध्यक्ष दिपक गौतम के सभापतित्व मे भईल कार्जक्रम मे सशस्त्र प्रहरी उपरिक्षक राधेश्याम धिमाल, वीरगंज उद्योग वाणिज्य संघ के अध्यक्ष अनिल अग्रवाल, नेपाल बार एसोशियसन पर्सा के कमल मोहन पोखरेल, प्रेस सेन्टर नेपाल के केन्द्रिय सदस्य तथा पर्सा इञ्चार्ज नीरज पिठाकोटे मगर, नेपाल पत्रकार महासंघ पर्सा के उपाध्यक्ष युवराज खड्का लगायत पर्सेली सञ्चारकर्मीलोग के उल्लेख्य सहभागिता रहल रहे । उ कार्जक्रम के सञ्चालन सेन्टर पर्सा के सचिव शिवनाथ यादव कईले रहनी ।