जनमत पार्टीका असन्तुष्ट समूहमाथि आक्रमणको प्रयास

असार २९ बारा

पार्टी सुदृढीकरण तथा जनसम्बाद यात्रामा निस्केका जनमत पार्टीका निलम्बित उपाध्यक्ष दिपक कुमार साह, कोषाध्यक्ष सुरेन्द्र यादव र केन्द्रीय सदस्य वीरेन्द्र साह सुनारमाथि आक्रमणको प्रयास भएको छ ।

संगठनको नेताकार्यकर्ता सहित खाना खाएर सम्बाद कार्यक्रममा जान लागेका बेला बिहान ११ बजे बारा जिल्लाको महागढीमाई नगरपालिका -३, दहियारमा डा. सिके राउतका निकट विकास सिंहले उनीहरूमाथि प्रज्वलनशिल पदार्थ गाडीभित्रै फालेका छन् । आफूहरुमाथि डा. सिके राउतले ज्यान मार्ने उदेश्यले पार्टीभित्रकै केही गुन्डाहरु परिचालित गरेको आरोप साहको छ ।

उनले भने, हामी सुरक्षित छौ । त्यस्तो क्षति भएको छैन । हामी डराएर अभियानबाट भाग्ने छैन हाम्रो मृत्यु पश्चात् अभियान जारी रहनेछ । किनभने हामीले मृत्यु दस्तबेजमा हस्ताक्षर गरेर यो अभियानमा निस्केको छु । मृत्यु देखि प्रवाह छैन । आम जनताले डा. सिके राउत कस्ता डाक्टर हुन भनेर कर्तुत थाहा पाउन जनतासँग अनुरोध गरेका छन् ।