माधव कुमार नेपालको प्रमुख आतिथ्यमा युवा नेता अनिल साहहको नेतृत्वमा दर्जनौँ युवाको नेकपा प्रवेश

बारा ८ मंसिर

नेपाली कम्युनिस्ट पार्टीको कार्यकर्ता भेटघाट कार्यक्रम बारा जिल्लामा सम्पन्न भएको छ। कार्यक्रमका प्रमुख अतिथि पूर्व प्रधानमन्त्री तथा पार्टीका सह-संयोजक कमरेड माधव कुमार नेपाल रहेका थिए।

परवानीपुर गाउँपालिका युवा नेता अनिल साहको नेतृत्वमा विभिन्न अन्य दलमा आबद्ध रहेका दर्जनौँ युवाहरू नेकपामा प्रवेश गरेका छन्। नव–प्रवेशी युवाहरूलाई स्वागत गर्दै नेता नेपालले युवाहरूको भूमिकाले नै देशमा सकारात्मक राजनीतिक परिवर्तन सम्भव हुने बताए।

युवा नेता अनिल साहका अनुसार अहिले देशभर युवाहरूमा भ्रष्टाचार अन्त्य, सुशासनको स्थापना र राजनीतिक प्रणालीमा नयाँ सोचसहितको परिवर्तन (Gen Z चाहना) का लागि ठूलो अपेक्षा रहेको छ। उनले देशमा बढ्दो भ्रष्टाचार र दण्डहीनताले सबैभन्दा धेरै युवाहरू निराश भएको उल्लेख गर्दै भ्रष्टाचारीमाथि कडा कारबाही र राजनीतिक संरचनामा ‘जेन–जेड फ्रेन्डली’ परिवर्तन आवश्यक रहेको धारणा व्यक्त रहेका थिए ।

कार्यक्रममा बोल्दै नेताहरूले नव–प्रवेशी युवाहरूलाई स्वागत गर्दै उनीहरूको सक्रिय सहभागिताले पार्टी अझ सुदृढ बन्ने विश्वास व्यक्त रहेका थिए ।