सामाजिक कुरिति विरुद्ध सचेतनामुलक सडक नाटक
बारा २० माघ,
समुदाय–प्रहरी साझेदारी कार्जक्रम अन्र्तगत आजु बारा के प्रसौनी गाँवपालिका वार्ड नं. २ मे बालवियाह, दहेज प्रथा, बहुवियाह तथा जनानी हिंसा बिरुद्ध सडक नाटक तथा सांगितिक कार्जक्रम पुरा भईल बा ।
बेंगा साह उ.मा.वि. लगे रहल क्रिकेट मैदान मे जिल्ला प्रहरी कार्यालय बारा के आयोजना मे भईल उ कार्जक्रम मे बालवियाह, दहेज प्रथा, बहुवियाह तथा जनानी हिंसा बिरुद्ध गढिमाई नाटक केन्द्र के कलाकारद्धार सन्देश मुलक सडक नाटक प्रस्तुत कइला के साथे भोजपुरी गायक सुनिल पडित सांगितिक प्रस्तुतिकरण मार्फत सचेतना जगवले रहनी ।
जिल्ला प्रहरी कार्यालय बारा के प्रहरी उपरिक्षक बिकासराज खनाल के अध्यक्षता मे भईल कार्जक्रम मे प्रमुख अथिति बारा के प्रमुख जिल्ला अधिकारी फणिन्द्रमणी पोखरेल, प्रसौनी गांवपालिका अध्यक्ष भोला प्रसाद गुप्ता, महिला संजाल के अध्यक्ष बविता जैसवाल, प्रसौनी गाँवपालिका के उप प्रमुख गिता देवी साह लगायत के लोग आपन आपन बिचार रखले रहनी ।
उ अवसर मे सशस्त्र प्रहरी उपरिक्षक बिजय सुबेदी, प्रमुख प्रशासकिय अधिकृत शेरे मुस्तुफा, बारा के प्रहरी नायव उपरीक्षक गौतम मिश्र, वार्ड अध्यक्ष लाल बाबु मुखिया, सुरेश प्रसाद गुप्ता, बैजनाथ प्रसाद गुप्ता, आनन्द गुप्ता, सनई साह, राम मणी साह, बृज किशोर साह, गायकार लाल बाबु पंडित लगायत के सहभागीता रहल रहे ।
