एकता के खातिर दौड, स्वच्छ देश–स्वस्थ मधेस” नारा के साथ म्याराथन दौड प्रतियोगिता पुरा, उपाधि सेना के मिलल

अजय कु. चौरसिया

वीरगंज १७ फागुन,
नेपाली सेना के मध्यपृतनापति गण से वीरगंज मे आयोजना कईल म्याराथन प्रतियोगिता मे सेना के खेलाडीलोग हि जितल बाडन ।

“एकता के खातिर दौड, स्वस्थ देश–स्वस्थ मधेस” नारा के साथ आजु आयोजना कईल म्याराथन दौड प्रतियोगिता के ४२ किलोमिटर मे सेना के खेलाडीलोग प्रथम, द्वितिय आ तिसरका स्थान हासिल कईले बाडन ।

एहितरे २१ किलोमिटर के मरद आ जनानी ओरी भी सेना के खेलाडीलोग पहिलका, द्वितिय आ तृतिय भईल रहलन । पुरुष ४२ किलोमिटर मे सेना के खगेन्द्र भाट प्रथम, राजन रोकाया द्वितीय, हरिकुमार रिमाल तृतीय भईलन । भाट २ घण्टा २१ मिनेट १५ सेकेन्ड, रोकाया २ घण्टा २७ मिनेट ४९ सेकेन्ड मे ४२ किलोमिटर के दूरी पार करत क्रमशः प्रथम, द्वितीय आ तृतीय भईल बाडन ।

४२ किलोमिटर मे प्रथम भाट के २ लाख, द्वितीय रोकाया के डेढ लाख आ तृतीय रिमाल के १ लाख नगद पुरस्कार सहित शिल्ड आ प्रमाणपत्र मिलल रहे । ४२ किलोमिटर के खेलाडीलोग बारा के पिलुवा से कलेया होत वीरगंज स्थित सेना के ब्यारेक मे पुगल रहे । आउर समूह के दौड वीरगंज से शुरू भईल रहे ।

२१ किलोमिटर के जनानी ओरी के दौड मे राजपुरा प्रसाइ प्रथम, पूलमति राणा द्वितीय आ बिन्दा श्रेष्ठ तृतीय भईल रहनी । उलोग के क्रमशः रु ७५, ५० आ ३५ हजार नगद पुरस्कार मिलल । मरदाना ओरी गजेन्द्र राई प्रथम, दिपक अधिकारी द्वितीय आ रामजी बस्नेत तृतीय होके रु ७५, ५० आ ३५ हजार नगद पुरस्कार सहित शिल्ड, प्रमाणपत्र प्राप्त कइनी ।

एहितरे १० किलोमिटर जनानी खुला ओरी शकुन्तला ठगुन्ना प्रथम, मञ्जु राउत द्वितीय आ जनानी के विभागीय ओरी पूर्णलक्ष्मी न्यौपाने प्रथम, सरस्वती भट्टराई द्वितीय आ बिर्सना कुमाल तृतीय भइनी । उलोग क्रमशः रु २०, १५, १० हजार नगद पुरस्कार मिलल । १० किलोमिटर के पुरुष खुला ओरी सागर श्रष्ेठ, दिनेश बोगटी, प्रिन्स क्रमशः प्रथम, द्वितीय आ तृतीय घोषित भइनी आ विभागीय ओरी कल्याण बानिया, गणेश ठकुरी आ टंकी कार्की क्रमशः प्रथम, द्वितीय आ तृतीय भइनी ।

उलोग भी क्रमशः रु २०, १५ आ १० हजार नगद सहित पुरस्कार मिलल ।
५ किलोमिटर ओरी ४० बरीस से उपर के समूह मे जयनरेश सिंह, राजेश्वर कुमार, श्याम चौधरी क्रमशः प्रथम, द्वितीय आ तृतीय भइनी । उलोग के रु १०, ७, ५ हजार नगद पुरस्कार जितलें । ५ किलोमिटर मे किलास ११, १२ के लइकीलोग मे अन्जु खडका, मीना ज्ञवाली आ सङ्गीता यादव क्रमशः प्रथम, द्वितीय आ तृतीय भईल रहनी आ लडका ओरी नारायणकुमार कुश्मा, देवनन्दन, आदर्शकुमार पटेल क्रमशः प्रथम, द्वितीय आ तृतीय होत रु १०, ७ आ ५ हजार पुरस्कार जितलें ।

एहितरे ५ किलोमिटर ओरी किलास ८ से १० तक मे लइकी ओरी फुलनाज खातुन, सृष्टि साह, कृति के बस्नेत क्रमशः प्रथम, द्वितीय आ तृतीय भईनी आ लडका ओरी युवराज लामा, आदेशकुमार यादव आ आयुष मिश्रा क्रमशः प्रथम, द्वितीय आ तृतीय भइनी आ उलोग के भी क्रमशः रु १०, ७ आ ५ हजार नगद पुरस्कार मिलल । फरक प्रकृति के दौड (व्हील चेयर) प्रतियोगिता मे सन्तोष महतो, अनिल कलवार आ राकेश महतो क्रमशः प्रथम, द्वितीय आ तृतीय भइनी । उलोग के भी रु १०, ७ आ ५ हजार पुरस्कार मिलल ।
नेपाली सेना के मध्यपृतनापति उपरथी नरेशचन्द्र भट्ट के अध्यक्षता मे भईल पुरस्कार वितरण समारोह के प्रमुख अतिथि मुख्यमन्त्री लालबाबू राउत नेपाली सेना बाढ, आगलागी आ टोर्नाडो लगायत प्राकृतिक विपद्मा कईल समाजिक आ उद्धार काम सराहनीय भईल बतवनी ।

उ म्याराथन दौड प्रतियोगिता मधेस सँगे सेना के साइनो थप प्रगाढ होखेके बतवनी । उ आवेवाला दिन मे प्रदेश सरकार मुख्यमन्त्री दलित गरीब आवास योजना लियावे लाग रहला से ई योजना मे भी सेना के सहजोग करे खातिर निहोरा कइनी ।

नेपाली सेना के प्रधानसेनापति पूर्णचन्द्र थापा नेपाली सेना प्रदेश २ मे निर्माण कईल मितेरी पार्क के काम शुरू भइल आ आवेवाला दिन मे भी आपन सेवा आ सामाजिक कार्जक्रम अगाडि बढावत जाएके बतवनी । कार्जक्रम मे प्रदेश सरकार के भौतिक पूर्वाधार विकासमन्त्री जितेन्द्र सोनल, वीरगंज महानगर के नगरप्रमुख विजय सरावगी, प्रदेशसभा सदस्य करिमा बेगम, जन्नत अन्सारी, वीरगंज उद्योग वाणिज्य संघ के अध्यक्ष गोपाल केडिया तथा सुबोध गुप्ता लगायत के सहभागिता रहे ।

म्याराथान प्रतियोगिता मे ५ हजार २ सय जने सहभागिता जनवले रहलन । प्रतियोगिता मे आर्मी व्यारके अगाडी आर्मी तोफ से सलामी अर्पण कईला के साथे नृत्य भी प्रस्तुत कईल गईल रहे । प्रतियोगिता के समारोह के संचालन संचारकर्मी माधुरी महतो कईले रहनी ।