रिगल रिसोर्ट हेटौंडा ५–१ से विजयी

प्रभु यादव

बारा १४ माघ

बारा के जितपुर सिमरा उपमहानगरपालिका–१८ वडहर्वा मे तिसरा मनहर्वा गोल्डकप खेल मे दुसरका दिन रिगल रिसोर्ट हेटौडा ५–१ गोल के अन्तर से विजयी सुरूवात कईले बा ।

एतवार के भईल खेल मे हेटौंडा ५–१ गोल से रौतहट फुटबल क्लव के हरावले बा । हेटौंडा के खातिर एलिशा क्षेत्री तीन गोल आ एक एक गोल सुदिप सापकोटा अउरी सरोज राई मारले रहलन । रौतहट के खातिर राजु पहरी एक गोल बदला मे कईले रहनी ।

खेल के १० वाँ मिनेट मे सुदिप के गोल से हेटौंडा अग्रता लेहले रहलख । रौतहट के राजु ३९ वाँ मिनेट मे गोल करत खेल बराबर मे लेयाल रहल रहे । प्रतिस्पर्धात्मक खेल के ६७ वां मिनेट मे एलिश गोल करके खेल २–१ मे पुगावले रहनी ।

खेल मे एलिश ७८ आ ८१ वाँ मिनेट मे लगातार दु गोल करत ह्याट्रिक पूरा कईले रहनी । हेटौंडा के खातिर सरोज राई पाच वाँ गोल कईले रहनी । एलिश खेल के म्यान अफ दि म्याच घोषित भईनी ।

प्रतियोगिता के तसरका दिन सोमबार के हानामी एफसी चितवन आ वीरगंज युनाईटेड के बिच मे खेल होई आयोजक समिति जनकारी देहले बानी । मौवादेवी युवा क्लबद्धारा आयोजित प्रतियोगिता मे आठगो टिम सहभागि होई ।