आउर १६७ जने मे कोरोना सङ्क्रमण, २१३ जने डिस्चार्ज
काठमाण्डु, १ सावन
नेपाल मे आउर १६७ जने मे कोरोना सङ्क्रमण पुष्टि भईल बा ।
स्वास्थ्य तथा जनसङ्ख्या मन्त्रालयद्वारा आजु इहाँ आयोजना कईल नियमित पत्रकार सम्मेलन मे मन्त्रालय के प्रवक्ता डा जागेश्वर गौतम पिछिलका २४ घण्टा मे देशभर के २७ गो प्रयोगशाला मे चार हजार ९८१ जने के नमूना परीक्षण कईला पर उ सङ्ख्या मे कोरोना सङ्क्रमण पुष्टि भईल जानकारी देहनी ।
एकरा सँगे सङ्क्रमित के सङ्ख्या १७ हजार ३४४ पुगल बा ।
प्रवक्ता डा गौतम के मुताविक कोभिड–१९ से सङ्क्रमित मुक्त होके बितल २४ घण्टा मे डिस्चार्ज होखेवाला के सङ्ख्या २१३ रहल बा ।
अभी तक डिस्चार्ज होखेवाला के सङ्ख्या ११ हजार २४९ पुगल बा । कोरोना सङ्क्रमण से अभी तक ३९ जने के मृत्यु भइल बा ।
आजु देखल गईल सङ्क्रमित मेसे बीपी कोइराला स्वास्थ्य विज्ञान प्रतिष्ठान धरान मे कईल परीक्षण मे झापा के दु आ सुनसरी के चार, कोशी अस्पताल विराटनगर प्रयोगशाला मे झापा के दु, उदयपुर के एक आ इलाम के ६, प्रादेशिक जनस्वास्थ्य प्रयोगशाला विराटनगर मे मोरङ के तीन आ ओखलढु्ङ्गा के १५ जने रहल प्रवक्ता डा गौतम जानकारी देहनी ।
उनका मुताविक प्रादेशिक जनस्वास्थ्य प्रयोगशाला जनकपुर मे धनुषा के २६, नारायणी अस्पताल वीरगंज मे पर्सा के दु, बारा के एक आ रौतहट के ६, भरतपुर अस्पताल प्रयोगशाला मे धनुषा के एक, शुक्रराज ट्रपिकल तथा सरुवा रोग अस्पताल टेकु मे काठमाण्डु के एक जने मे कोरोना कोरोना सङ्क्रमण पुष्टि भईल बा ।
एहितरे कीटजन्य रोग अनुसन्धान तालीम केन्द्र प्रयोगशाला हेटौँडा मे नवलपरासी पूर्व के १७, रौतहट के ६ आ मकवानपुर के तीन, प्रादेशिक जनस्वास्थ्य प्रयोगशाला पोखरा मे बागलुङ के दु आ स्याङजा के एक, प्रादेशिक जनस्वास्थ्य प्रयोगशाला रूपन्देही मे रूपन्देही आ प्यूठान के एक÷एक तथा भेरी अस्पताल प्रयोगशाला नेपालगञ्ज मे बाँके के आठ, सुर्खेत के दु, बर्दिया आ दाङ के एक÷एक जने मे कोरोना सङ्क्रमण पुष्टि भईल बा ।
एहितरे, पीसीआर प्रयोगशाला दैलेख मे दैलेख के ६, चौरजहारी नगरपालिका प्रयोगशाला मे रुकुम पश्चिम के एक, सुर्खेत प्रादेशिक अस्पताल प्रयोगशाला मे सुर्खेत के एक, सल्यान आ जाजरकोट के दु÷दु, कर्णाली स्वास्थ्य विज्ञान प्रतिष्ठान जुम्ला मे मुगु के एक, डडेल्धुरा अस्पताल मे डडेल्धुरा के आठ तथा सेती प्रादेशिक अस्पताल धनगढी मे अछाम के चार, कैलाली आ कञ्चनपुर के १४÷१४ आ बझाङ के एक जने मे कोरोना सङ्क्रमण पुष्टि भईल प्रवक्ता डा गौतम जानकारी देहनी ।
