१२० दिन लम्हर लकडाउन खुलल माकिर कुछ प्रतिबन्ध कायेम
काठमाण्डु ६ सावन
१२० दिन लम्हर लकडाउन मंगर के रात से अन्त्य भईल बा ।
मन्त्रिपरिषद् के सोमार के दिने बईठल वईठक से चईत ११ गते से जारी लकडाउन सावन ६ अर्थात मंगर के रात से अन्त्य करेके निर्णय कईले बा ।
कोरोन भाइरस (कोभिड–१९) के संक्रमण रोकथाम तथा नियन्त्रण के खातिर सरकार चईत ११ गते से लकडाउन कईले रहे ।
बेर बेर म्याद थप के जेठ २६ तक पूर्ण रुप मे कायम रहल ।
ओकरा बाद निजी सवारी जोर विजोर प्रणाली मे आ दोकान सञ्चालन करे देहल सरकार क्रमशः लकडाउन सहज बनावत लेगईल रहे ।
मंगर के रात से लकडाउन पूर्ण रुप मे हटल सरकार के प्रवक्ता एवं सञ्चार आ अर्थमन्त्री डा. युवराज खतिवडा जानकारी देहनी ।
माकिर सरकार कुछ क्षेत्र मे प्रतिबन्ध कायमे रखले बा ।
शैक्षिक संस्था, सभा गोष्ठी, प्रदर्शन भेला आ सम्मेलन, सिनेमा हल, डान्स बार लगायत के मनोरंजन स्थल, सैलुन, व्यूटी पार्लर, जिमखाना, हेल्थ क्लब, समूह मे खेलेवाला खेल, धार्मिक स्थलसब, पुस्तकालय, संग्राहलयसब आ चिडिया खाना अभी भी खुलल नइखे ।
माकिर सरकार होटल तथा रेष्टुरेन्टसब सावन १५ से खुला करेके अनुमति देहले बा । भादो १ गते से विद्यार्थी भर्ना आ परीक्षा लगायत के गतिविधि करेके छुट देहले बा ।
एहितरे आन्तरिक तथा अन्तराष्ट्रिय हवाई उडान तथा मध्यम आ लम्हर दुरी के अन्तरजिल्ला के यातायात भादो १ गते से खुला होखी ।
अन्तर्राष्ट्रिय खेल के प्रशिक्षण आ प्रारम्भिक खेलसब भी भादो १ गते से करे सकेके भईल बा ।
