१०९ जने मे कोरोना संक्रमण पुष्टि, ठिक होखेवाला के संख्या १३ हजार से बेसी
काठमाण्डु १० सावन
पिछिलका २४ घण्टा मे १०९ जने मे कोरोना भाइरस (कोभिड–१९) संक्रमण पुष्टि भईल बा । देशभर के प्रयोगशाला मे ४ हजार ७५ नमुना परीक्षण कईला पर उलोग मे संक्रमण पुष्टि भईल स्वास्थ्य तथा जनसंख्या मन्त्रालय जनवले बा ।
एकरा सँगे कुल १८ हजार ४८३ जने संक्रमित भईल बाडन । उलोग मेसे ४५ जने के मृत्यु भईल बा आ १३ हजार ५३ जने ठिक भईल बाडन ।
कहाँ केतना थपईलें संक्रमित ?
मन्त्रालय के मुताविक डोटी मे १३, सुर्खेत आ सप्तरी मे ११÷११ जने, पर्सा मे ८, कपिलवस्तु आ जाजरकोट मे ६÷६ जने आ दाङ मे ५ जने मे कोरोना संक्रमण पुष्टि भईल बा ।
एहितरे रौतहट, नवलपुर, पाल्पा आ डडेलधुरा मे ४÷४ जने, बारा, गुल्मी, कालीकोट, दैलेख आ बैचडी मे ३÷३ जने, काठमाण्डु, बाँके, बर्दिया, अछाम आ मुगु मे २÷२ जने तथा झापा, खोटाङ, सर्लाही, चितवन, मकवानपुर, ललितपुर, अछाम, तनहुँ आ हुम्ला मे एक एक जने कोरोना संक्रमित थपाईल बाडन ।
