लकडाउन खुलला सँगे सङ्क्रमण के दर बढल आउर २१० जने मे कोरोना संक्रमण पुष्ट
काठमाण्डु, १४ सावन
लकडाउन खुलला सँगे कोभिड–१९ सङ्क्रमण के दर बढल मिलल बा ।
लकडाउन खोले से पहिले आठ दिन आ लकडाउन खुलला के आठ दिन के बाद परीक्षण आ सङ्क्रमित के सङ्ख्या देखला पर कोरोना के सङ्क्रमण दर बढल मिलल बा ।
लकडाउन खुले से पहिले के आठ दिन के समय मे कूल ३४ हजार ४५७ नमूना परीक्षण कईला पर एक हजार ४९ जने मे सङ्क्रमण पुष्टि भईल रहे ।
एहितरे लकडाउन खुलला के पिछिलका आठ दिन मे ३४ हजार १०९ नमूना परीक्षण कईला पर एक हजार २७९ जने मे कोरोना पुष्टि भईल बा ।
लकडाउन खुले से पहिले के आठ दिन तीन प्रतिशत मे सीमित रहल कोरोना सङ्क्रमण पिछिलका आठ दिन के समय मे बढ के ३.७ प्रतिशत पुगल स्वास्थ्य तथा जनसङ्ख्या मन्त्रालय जनवले बा ।
बन्दाबन्दी खुलला सँगे सभी नवसामान्यीकरण मे आईल उल्लेख करत मन्त्रालय के प्रवक्ता प्रा डा जागेश्वर गौतम कोभिड अगाडि के जईसन सामान्य जीवन मे फिर्ता भईल रुपमे ना बुझे खातिर निहोरा कइनी ।
कोरोना भाइरस के जोखिम के बीच मे काम करेके बाध्यता रहल कहत उ उचित जनस्वास्थ्य सावधानी अपनावे खातिर निहोरा कइनी ।
पिछिलका कुछ दिन से लगातार कोरोना सङ्क्रमित के सङ्ख्या बढ रहल बा । पिछिलका २४ घण्टा मे अनेकन २९ गो प्रयोगशाला मे छ हजार ३७ नमूना परीक्षण मे २१० जने मे कोभिड–१९ पुष्टि भईल प्रवक्ता गौतम जानकारी देहनी ।
आजु सबसे बेसी डोटी मे ५२ सङ्क्रमित मिलल बाडन । एहितरे पर्सा मे ३४, स्याङ्जा मे २६, महोत्तरी आ काठमाण्डु मे १४÷१४, धनुषा मे १२, मोरङ, कैलाली आ कञ्चनपुर मे आठ÷आठ, धादिङ आ बागलुङ मे सात÷सात, म्याग्दी, सप्तरी कपिलवस्तु आ बैतडी मे दु÷दु तथा सुनसरी, सर्लाही, भक्तपुर, रौतहट, तनहुँ आ सुर्खेत मे एक÷एक सङ्क्रमित थपाईल बाडन ।
देशभर अभी भी सक्रिय सङ्क्रमित के सङ्ख्या पाँच हजार २०३ रहल बा ।
प्रदेश नं १ मे २२६, प्रदेश नं २ मे एक हजार ९८२, वाग्मती प्रदेश मे ४८३, गण्डकी प्रदेश मे २८८, प्रदेश नं ५ मे ४०१, कर्णाली प्रदेश मे ३०२ आ सुदूरपश्चिम प्रदेश मे एक हजार ५२१ सक्रिय सङ्क्रमित बाडन ।
रौतहट आ कैलाली मे अभी भी ५०० से बेसी सक्रिय सङ्क्रमित ईलाज करा रहल बाडन ।
क्वारेन्टिन मे रहेवाला के सङ्ख्या १४ हजार ४७१ बा । नेपाल मे अभी तक कूल सङ्क्रमित के ७२.७ प्रतिशत कोरोना सङ्क्रमणमुक्त होके डिस्चार्ज भईल बाडन ।
पिछिलका २४ घण्टा मे १४६ जने डिस्चार्ज भईल प्रवक्ता गौतम जानकारी देहनी ।
अभी तक १४ हजार २१ जने कोरोना के जित के घर फिर्ता भईल बाडन । प्र
नं १ मे ७८९, प्रदेश नं २ मे तीन हजार १८, वाग्मती प्रदेश मे ५१८, गण्डकी प्रदेश मे एक हजार २२७, प्रदेश ५ मे तीन हजार ९१०, कर्णाली प्रदेश मे एक हजार ६८६ आ सुदूरपश्चिम प्रदेश मे दु हजार ८७३ जने कोरोनामुक्त होके डिस्चार्ज भइल बाडन ।
प्रदेश नं १ के भोजपुर आ संखुवासभा, बाग्मती प्रदेश के रसुवा तथा गण्डकी प्रदेश के मनाङ आ मुस्ताङ मे कोरोना के सक्रिय सङ्क्रमित नइखन ।
नेपाल मे प्रति १० लाख मे १२ हजार २८४ जने के कोरोना परीक्षण कईल बा आ मृत्युदर प्रति १० लाख मे १.६ रहल बा ।
अभी तक विश्वभर एक करोड ६९ लाख १७ हजार ७१४ जने मे सङ्क्रमण देखल गईल मन्त्रालय जनवले बा ।
एहितरे कोरोना से छ लाख ६३ हजार ९४२ जने के मृत्यु भईल बा आ कोरोना सङ्क्रमणमुक्त होके एक करोड चार लाख ४२ हजार ३८३ ‘डिस्चार्ज’ भईल बाडन ।
