प्रतिनिधि सभा विघटन करके देश मे राजनैतिक संकट सिर्जना कईल नेता महत के आरोप
वीरगंज २४ माघ
संसद विघटन के बिरुद्ध मे नेपाली कांग्रेस के जनवर्गीय सङ्गठनसब वीरगंज मे बिरोध प्रदर्शन कईले बा ।
काङ्ग्रेस के केन्द्रीय कार्जक्रम मुताविक राष्ट्रव्यापी विरोध प्रदर्शन के क्रम मे वीरगंज के घण्टाघर से निकलल बिरोध जुलुश माईस्थान, महावीर स्थान, आदर्शनगर, घडिअर्वा होत फेनु घण्टाघर मे पुग के कोण सभा मे परिण्त भईल रहे ।
सभा के सम्बोधन करत नेपाली कांग्रेस के नेता एवं पूर्व मन्त्री डा. रामशरण महत प्रतिनिधि सभा विघटन के बाद घोषणा कईल मध्यावधी चुनाव से कांग्रेस के बढिया अवसर मिलला पर भी खुदसब विघटन के विरुद्ध मे रहल बतवनी ।
सरकार देश के आर्थिक सामाजिक क्षेत्र के सुधारे ओरी ध्यान देवेके जगहा मे प्रतिनिधि सभा विघटन करके देश मे राजनैतिक संकट सिर्जना कईल आरोप भी डा. महत के रहल रहे ।
काङ्ग्रेस निकट नेपाल ट्रेड युनियन, कारखाना श्रमिक सङ्घ, किसान संघ, नेविसंघ, ब्युटिशियन संघ, शिक्षक संघ, प्रजातन्त्रवादी प्राध्यापक संघ, नेपाल प्रेस युनियन, लोकतान्त्रिक गैरसरकारी संस्था महासंघ, नेपाल कुमाल संघ, जिपि कोईराला फाउन्डेसन लगायत करिब दु दर्जन पेशागत अनेकन सङ्गठन के कार्यकर्तालोग के सहभागिता रहल रहे ।
बिरोध प्रदर्शन मे नेपाली कांग्रेस के केन्द्रिय अजय चौरसिया, पर्सा जिल्ला सभापति अजय द्विवेदी, नेता राजेन्द्र बहादुर अमात्य, संविधानसभा सदस्य अनिल रुङ्गटा, प्रदेश सभा सदस्य राजेश्वर साह, ओमप्रकाश शर्मा, जिल्ला सचिव श्याम पटेल, जिल्ला सदस्य सहरूमराउत गद्दी लगायत के सहभागिता रहल रहे ।
