१५ जने जनानी सहित १३० जने कईलें खुनदान
वीरगंज १५ कातिक
रक्तदान जीवन दान कहके नारा सहित बीरगंज महानगरपालिका वार्ड नं १४ मे आजु बृहत खुनदान कार्जक्रम पुरा भईल बा ।
ओम शिव शक्ति बचत तथा ऋण सहकारी संस्था के आयोजना आ प्रकाश नगर टोल विकास कोष के सहकार्य मे भईल कार्जक्रम मे १५ जने जनानी सहित १३० जने खुनदान कईले बाडन ।
खुनदान करेवाला मे बर्षा थापा मगर, ईलिजा न्यौपाने, रेजिना पुलामी, मेनुका श्रीवास्तव, लक्ष्मी देवी साह, उर्मिला देवी, अर्चना कुमारी साह, गीता देवी, कल्पना देवी, रूपा तिवारी, सन्तोष पटेल, मन्तोश पटेल, राकेश ठाकुर, अरुण कुमार साह, वर्षा थापा, ललन पटेल लगायत रहल बाडन ।
खुनदान कार्जक्रम के उदघाटन प्रमुख अतिथी नेपाली कांग्रेस पर्सा के सभापति अजय कुमार द्विवेदी ओम शिव शक्ति बचत तथा ऋण सहकारी संस्था के अध्याक्ष अरुण साह के खुनदान शंकलन करेवाला पोका देके कईले रहनी । कार्जक्रम मे मुस्लिम जनानीलोग के सहभागीता भी बेसी देखल गईल रहे ।
कार्जक्रम मे नेपाल बार एसोसिएसन के उपाध्यक्ष रामचन्द्र सिंह, समाजसेवी शिवशंकर पटेल, ब्लड डोनर्स एसोसिएसन के सहसचिव उमेश गुप्ता, नेपाली कांग्रेस के पर्सा जिल्ला सचिव श्याम पटेल, युवा नेता धर्मेन्द्र पटेल, सुनिल पटेल, नेविसंघ के पूर्व केन्द्रिय सदस्य सुधीर पटेल, नेविसंघ के वर्तमान उपाध्यक्ष विकेश पटेल लगायत के सहभागीता रहल रहे ।
कार्जक्रम मे प्रकाश नगर टोल विकास कोष के अध्यक्ष सुरेन्द्र पटेल, सचिव श्याम राम, वार्ड नं. ५ के एकाई कमिटी के अध्यक्ष प्रमोद पटेल, युवा नेता हाकिम अंसारी, पार्टी के कार्यकर्ता विकि पटेल, कामेश्वर पटेल हरिओम पटेल, प्रमोद पटेल, रवीन्द्र पटेल लगायत के लोग सहजोग कईले रहनी । कार्जक्रम के सञ्चालन अनिल कुमार साह कईले रहनी ।
