ब्रह्माकुमारी राजयोग सेवा केन्द्र वीरगंजद्धारा खुनदान तथा निःशुल्क आँख चेकजाँच
वीरगंज २५ फागुन
ब्रह्माकुमारी राजयोग सेवा केन्द्र वीरगंज के आयोजना मे ८५ वाँ त्रिमूर्ति शिव जयन्ति महोत्सव अन्तर्गत आजु एकदिवसीय खुनदान तथा निःशुल्क आँख परिक्षण शिविर पुरा भईल बा ।
क्षेत्रिय सञ्चालिका ब्रह्माकुमारी रविना दिदी के सभाध्यक्षता तथा नेपाल चिकित्सक महासंघ नारायणी के अध्यक्ष एवं नारायणी अस्पताल के कामु प्रमुख डा. अरूण कुमार सिंह के प्रमुख आतिथ्यता मे भईल उ समारोह मे नेपाल रेडक्रस सोसाईटी पर्सा के उपसभापति एवं रक्त संचार केन्द्र वीरगंज के संयोजक मधुराणा, वरिष्ठ राजयोग प्रशिक्षक ब्रह्माकुमार राजु घले लगायत के वक्तालोग कार्जक्रम के सार्थकता आ महत्व के बारे मे चर्चा करत शुभकामना मन्तव्य रखले रहनी ।
सामुदायिक सेवा केन्द्र छपकैया २ के अध्यक्ष ग्यासुद्दिन ठकुराई, प्रदेश नं २ पत्रकार महासंघ के सदस्य तथा पत्रकार जगत राइ, उपभोक्ता हकहित संरक्षण मञ्च महानगरीय प्रमुख एवं पत्रकार अजीत भुजेल, पत्रकार अनिल साह, रक्त सञ्चार केन्द्र के प्राविधिक टोली प्रमुख जितेन्द्र कुशवाहा लगायत अनेकन जगहा से आईल राजयोगी भाइबहिनलोग के सहभागिता रहल उ समारोह मे पत्रकार जगत राइ तथा पत्रकार अनिल साह के सञ्चार क्षेत्रमार्फत समाज उपर कईल योगदान के कदर करत सम्मान पत्र से सम्मानित भी कईल रहे ।
औपचारिक कार्जक्रम पश्चात् आयोजित शिविर मे ब्रह्माकुमार राजु घले, ब्रह्माकुमार गोवर्धन चौधरी, ब्रह्माकुमार छोटेलाल, उत्तम कुमार साह, आनन्द साह, रवि सर्राफ, मञ्जु यादव, सञ्जु चौधरी, कुमेश कुशवाहा आ जसोदा बैठा लगायत ६ जने जनानी सहित २५ जने खुनदान कईले रहलन ।
किरण आँखा अस्पताल के सहजोग मे भईल निःशुल्क आँख चेकजाँच शिविर मे १७ जने जनानी सहित ३५ जने चेकजाँच करवले रहलन ।
कार्जक्रम मे स्वागत मन्तव्य ब्रह्माकुमारी बेली दिदी कईले रहली आ सहजीकरण ब्रह्माकुमार गोकुल गुभाजू से कईल जनावल गईल बा ।
