प्रदेश २ मे २४ घण्टा मे ८६७ जने संक्रमणमुक्त, ३५३ संक्रमित थपईलें
जनकपुरधाम १३ जेठ
प्रदेश २ मे ३५३ जने कोरोना संक्रमित थपईला पर ८६७ जने ठिक भईल बाडन ।
प्रदेश स्वास्थ्य निर्देशनालय के मुताविक पिछिलका २४ घण्टा मे ७३७ जने के पीसीआर विधि से परीक्षण कईला पर ३४९ जने आ २० जने के एन्टिजेन विधि से २० नमुना परीक्षण कईला पर चार जने संक्रमित देखल गईल बाडन ।
सब से बेसी धनुषा मे ८६ जने, सिरहा आ महोत्तरी ७४÷७४ जने, रौतहट मे ३७ जने, सप्तरी मे ३५ जने, पर्सा मे २५ जने, सर्लाही मे ११ जने आ बारा मे १० जने संक्रमित देखल गईल बाडन ।
एकरा सँगे प्रदेश मे कोरोना संक्रमित के संख्या १० हजार ८ सय २१ पुगल बा । ई समय मे ७ सय पुरुष आ १६७ जने जनानी सहित ८६७ जने ठिक भईल निर्देशनालय के वरिष्ठ चिकित्सक डा. कमलेश यादव जानकारी देहनी ।
उनका मुताविक धनुषा मे ३ सय, बारा मे १५९, सप्तरी मे १३०, सिरहा मे १२०, पर्सा मे ८० आ रौतहट मे ७८ जने ठिक भईल बाडन । ई समय मे महोत्तरी आ सर्लाही मे कोरोना संक्रमित ठिक भईल नईखन ।
पिछिलका २४ घण्टा के समय मे प्रदेश मे १२ जने के मृत्यु भईल बा । सप्तरी आ रौतहट मे ४÷४ जने तथा बारा आ पर्सा मे २÷२ जने के मृत्यु भईल निर्देशनालय जनवले बा ।
एकरा सँगे प्रदेश मे अभी तक कोरोना संक्रमण के चलते मृत्यु होखेवाला के संख्या ६२७ पुगल बा ।
