राप्रपा पर्सा के नयाँ कार्य समिति के सपथग्रहण कार्जक्रम पुरा
वीरगंज १९ भादो
राप्रपा नेपाल पर्सा के जिल्ला अध्यक्ष मे नरेस कुमार साह चयन भईल बानी । एहितरे उपाध्यक्ष मे रोसन यादव आ ओमप्रकाश यादव, सचिव मे पवन प्रसाद साह आ दिलिप गुप्ता, सह सचिव महमद मिया, सह कोषाध्यक्ष उदित सहनी, सदस्यलोग मे हरिनारायण प्रसाद चौरसिया, भिमबहादुर चौरसिया, मोति राउत, मोहन थापा, सुसिल कण्ठ, मेहदिहुसेन गदि, हरिन्दर महतो खुलवट, मनोज यादव, दिपनरायाण यादव, शिवनारायण यादव लगायत ३५ सदस्यीय कार्यसमिति चयन भईल बा ।
अध्यक्ष साह सहित जिल्ला कार्य समिति के पदस्थापन तथा सपथ ग्रहण कार्जक्रम मंगर के दिने पुरा भईल बा । वीरगंज स्थित श्रीपुर पार्टी कार्यालय मे भईल कार्जक्रम मे प्रमुख अतिथि राप्रपा नेपाल के केन्द्रिय बरिष्ठ उपाध्यक्ष तथा पुर्व मन्त्री राजिव पराजुली, विशिष्ट अतिथि केन्द्रिय सहायक महामन्त्री अजय पौडेल, केन्द्रिय सदस्य शम्भु प्रसाद चौरसिया, पुनदेव यादव, केदार गौली लगायत के विशेष उपस्थिति रहल रहे ।
उ पदस्थापन तथा सपथ ग्रहण कार्जक्रम के प्रमुख अतिथि राजिव पराजुली नव नियुक्त जिल्ला अध्यक्ष नरेस कुमार साह के सपथ ग्रहण करावल गईल रहे । नव नियुक्त जिल्ला अध्यक्ष नरेस कुमार साह सपथग्रहण करके उपाध्यक्ष लगायत सदस्यलोग सपथ ग्रहण करवले रहनी ।
