बौद्धिमाई के वार्ड नं. ४ आ ५ मे जसपा के वार्ड कमिटी समायोजन कार्जक्रम

मेवालाल यादव

रौतहट १० कातिक

रौतहट के बौद्धिमाई नगरपालिका इनरवारी आ कोपवा मे जनता समाजवादी पार्टी नेपाल के संगठन सुदृढीकरण एवं जनजागरण (सुज) अभियान अभिमुखिकरण तथा वार्ड कमिटी समायोजन कार्जक्रम पुरा भईल बा ।

जनता समाजवादी पार्टी नेपाल, रौतहट बौद्धिमाई –४ आ ५ इनरवारी, कोपवा वार्ड कमिटि के आयोजना मे पुरा भईल कार्जक्रम बौद्धिमाई नगरपालिका के वार्ड नम्बर ४ इनरवारी आ ५ कोपवा मे पुरा भईल बा ।

वार्ड कमिटी समायोजन कार्जक्रम अन्तर्गत बौद्धिमाई नगरपालिका के वार्ड नम्बर – ४ इनरवारी मे ७५ सदस्यीय आ कोपवा मे १२५ सदस्यीय वार्ड कमिटी गठन काम पुरा भईल बा । वार्ड नम्बर –४ इनरवारी मे नयाँ वार्ड कमिटि के अध्यक्ष मे विन्देश्वर राउत कुर्मी, उपाध्यक्ष कपिलदेव दास, नागेन्द्र प्रसाद जयसवाल, सियाराम राय यादव, कोषाध्यक्ष रामप्रताप प्रसाद जयसवाल, सचिव रामसेवाक राय यादव आ सहसचिव मे बैधनाथ साह कलवार, नवलकिशोर प्रसाद यादव लगायत ७५ सदस्यीय आ वार्ड नम्बर ५ कोपवा मे नयाँ वार्ड कमिटि के अध्यक्ष मे धर्मेन्द्र कुमार यादव, उपाध्यक्ष मुर्तुजा मिया राकी, सरफलाल राय यादव, कोषाध्यक्ष जयसा खातून सचिव रामबिश्वाश यादव आ सह सचिव मे जितेन्द्र प्रसाद यादव लगायत १२५ सदस्यीय जसपा के वार्ड कमिटी गठन भईल बा ।

कार्जक्रम मे प्रमुख अतिथि जसपा के केन्द्रीय सदस्य तथा रौतहट क्षेत्र नं.२ विधानसभा ’ख’ के विधायक रामकिशोर यादव उर्फ किशोरी यादव तथा विशिष्ट अतिथि बौद्धिमाई नगरपालिका के नगर प्रमुख प्रदेश २ के जसपा प्रदेश सदस्य युवा मेयर राजीव रंजन यादव तथा जसपा के केन्द्रीय सदस्य युवा नेता विवेक कुमार यादव लगायत के सहभागीता रहल रहे ।

कार्जक्रम मे बौद्धिमाई नगरपालिका के नगर प्रमुख राजीव रंजन यादव सभी जनसमुदाय मे हिन्दुलोग के महान पर्व दीपावली तथा छठ पर्व के शुभकामना देत संगठन सुदृढीकरण एवं जनजागरण (सुज) अभियान अभिमुखिकरण कार्जक्रम जनता समाजवादी पार्टी के केन्द्रिय निर्देशन मुताविक मुख्य उद्देश्य पार्टी के जर से हि बरियार बनावेके, पार्टी संगठन सुदृढ करके आवेवाला निर्वाचन मे जसपा पार्टी के केन्द्र तक बहुमत लियाके सफल होखेके साथे जसपा मात्र समग्र मधेशी जनता से खोजल संघीयता, सुशासन, समृद्धि आ समाजवाद लियावे सकेके उ बतवनी ।

कार्जक्रम मे बौद्धिमाई नगरपालिका के नगर उपप्रमुख प्रेमलता कुशवाहा, जसपा नेपाल बौद्धिमाई नपा के नगर कमिटी अध्यक्ष तथा बौद्धिमाई नपा वार्ड नं. ६ पिपरिया परोहा के वार्ड अध्यक्ष हृदय नारायण राय यादव, बौद्धिमाई नपा वार्ड नं. ४ इनरवारी के वार्ड अध्यक्ष देव् नारायण प्रसाद जयसवाल, जसपा के युवा नेता कोपवा निवासी अनवर हासमी, वार्ड नम्बर ३ मटीअर्वा के वार्ड प्रत्याशी मणिभूषण साह, बौद्धिमाई नपा के कार्यपालिका सदस्य युवा नेता काशीराम पासवान, युवा नेता सिकेन्द्र यादव, रामाधार प्रसाद पटेल, नरेन्द्र प्रसाद कुशवाहा लगायत के सहभागीता रहल रहे ।