१० हजार २५४ जने मे कोरोना संक्रमण पुष्टि, १६ जने के मृत्यु
कामाण्डु ८ माघ
पिछिलका २४ घण्टा मे आउर १० हजार २५४ जने मे कोरोना भाइरस (कोभिड–१९) के संक्रमण भईल बा । साथे १६ जने के मृत्यु भईल बा ।
स्वास्थ्य तथा जनसंख्या मन्त्रालय के मुताविक नयाँ संक्रमित मेसे ५३०६ जने काठमाण्डु उपत्यका के बाडन । काठमाण्डु मे ३७६२, ललितपुर मे १११० आ भक्तपुर मे ४३४ जने संक्रमित थपाईल बाडन ।
एहितरे कास्की मे ४००, मोरङ मे २७३, सुनसरी मे २१२, कैलाली मे १७०, चितवन मे १५३, रुपन्देही मे १४९, बाँके मे १४८, मकवानपुर मे १४७ आ काभ्रे मे १०१ जने मे संक्रमण पुष्टि भईल बा ।
संक्रमणदर आउर बढल
मन्त्रालय के मुताविक देशभर मे २० हजार १८७ नमुना परीक्षण कईल रहे । १४ हजार ४६२ नमुना के पीसीआर टेष्ट कईला पर ८ हजार ३१२ आ ५ हजार ७२५ नमुना के एन्टीजेन टेष्ट कईला पर २ हजार ४२ करके १० हजार २५४ जने मे संक्रमण पुष्टि भईल बा ।
अईसे देखला पर पीसीआर ओरी संक्रमणदर बढ के ५६.८ प्रतिशत पुगल बा । बुध के दिने ५२.६ रहल संक्रमण दर पिछिलका दु दिन मे क्रमशः ४७.९ आ ४७.३ रहे ।
१५ जिल्ला मे संक्रिय सक्रमित बहुते
पिछिलका २४ घण्टा मे ७०८ जने संक्रमणमुक्त भईल बाडन आ अभी ७२ हजार ८६२ संक्रिय संक्रमित बाडन ।
हरेक जिल्ला मे संक्रमण देखल गईल बा आ १५ जिल्ला मे संक्रिय संक्रमित के संख्या ५०० बेसी बा । मन्त्रालय के मुताविक प्रदेश १ के झापा, मोरङ आ सुनसरी, मधेस प्रदेश के धनुषा, वागमती के काठमाण्डु, भक्तपुर, ललितपुर, चितवन, मकवानपुर आ काभ्रे, गण्डाकी के कास्की आ नवलपुर, लुम्बिनी के बाँके आ रुपन्देही तथा सुदूरपश्चिम प्रदेश के कैलाली जिल्ला मे संक्रमित के संख्या ५०० से बेसी बा ।
१७ जिल्ला मे संक्रिय संक्रमित के संख्या २०० से बेसी भईल बा ।
