वीरगंज–१ मे बैशाख ५ गते से टाईफाइड रोग विरुद्ध के खोप लगावल जाई

वीरगंज ३० चईत

टाईफाइड खोप अभियान २०७८÷०७९ अन्र्तगत वडा खोप समन्वय समिति एवं सञ्चारकर्मीलोग के अभिमुखिकरण कार्जक्रम आजु वीरगंज मे पुरा भईल बा ।

वीरगंज महानगरपालिका स्वास्थ्य तथा सामाजिक विकास महाशाखा जन स्वास्थ्य प्रवद्र्धन शाखा वीरगंज के आयोजना मे वीरगंज महानगरपालिका वार्ड नं. १ के स्वास्थ्य केन्द्र मे अभिमुखिकरण कार्जक्रम पुरा भईल बा ।

वीरगंज महानगरपालिका वार्ड नं. १ के वार्ड अध्यक्ष मनोज कुमार गुप्ता के अध्यक्षता मे भईल कार्जक्रम मे वार्ड नं. १ स्वास्थ्य केन्द्र के ईन्चार्ज एवं वार्ड स्तरिय खोप समन्वय समिति के सदस्य सचिव मधुरेन्द्र मिश्र ई स्वास्थ्य केन्द्र अन्र्तगत के १३ गो विद्यालयसब मे १५ महिना से १५ बरीस निचेके करिब ३५ सय लईकालइकी के टाईफाइड रोग विरुद्ध के खोप लगावेके लक्ष्य रहल बतवनी ।

वार्ड नं. १ के स्वास्थ्य चौकी के २ जने कर्मचारी आ सम्बन्धित निकाय से आउर २ जने कर्मचारी माग करके ४ जने के समुह हरेक स्कूलसब मे जाके खोप लगावेके तथा अन्तिम दिन स्वास्थ्य चौकी मे खोप लगावेके स्वास्थ्य केन्द्र के प्रमुख मिश्र बतवनी ।

उ कार्जक्रम मे वार्ड नं. १ के जनानी सदस्य रिता देवी कलवार, वार्ड सचिव मायालाल रोकाया, पंडित रामदेनी तिवारी आधारभुत विद्यालय छपकैया के प्रधानाध्यापक रामरेखा राय, महिला स्वयंसेविका संगिता शर्मा, समाजसेवी शिवनारायण प्रसाद कानु, खोप समन्वय समिति के सदस्य दिनेश साह लगायत के सहभागीता रहल रहे ।