वीरगंज के घडीअर्वा पोखरी छठघाट मे ५७ जने कईलें खुनदान

वीरगंज ०१ अगहन

छठ पर्व के उपलक्ष्य मे वीरगंज स्थित घडीअर्वा पोखरी छठघाट परिसर मे आयोजना कईल खुनदान कार्जक्रम मे ५७ जने खुनदान कईले बाडन । घडीअर्वा छठ पूजा व्यवस्थापन समिति के समन्वय मे घडीअर्वा स्पोर्ट क्लब शुक के दिने आयोजना कईल खुनदान कार्जक्रम मे तीन जनानी सहित ५७ जने खुनदान कईले बाडन ।

खुनदान करके कार्जक्रम के समुदघाटन करत वीरगंज महानगरपालिका के १० के वार्ड अध्यक्ष सुशील साह कानु छठ पर्व के अवसर मे खुनदान करके समाज सेवा के अवसर मिलला पर गौरव महशुस कईल बतवनी ।

घडीअर्वा छठघाट परिसर मे भईल खुनदान कार्जक्रम मे प्रनिषा गुप्ता, सिता दाहाल, खुशी श्रेष्ठ सुशील साह कानु, प्रभाकर गुप्ता, मनोहर साह, रोहित बर्णवाल, सुरज साह सोनार, जितेन्द्र सिंह, लखनलाल गुप्ता, सन्देश महतो, सन्तोष साह, ओमप्रकाश गुप्ता, अंशु कुमार कानु, ओमप्रकाश बर्णवाल लगायत के लोग रहल रक्त सन्चार केन्द्र वीरगंज के प्राविधिक प्रमुख सौरभराज पाण्डे बतवनी ।

आयोजक क्लब के अध्यक्ष लखनलाल गुप्ता वितल डेढ दशक से छठ पर्व के अवसर मे क्लब निरन्तर खुनदान कार्जक्रम करत आईल बतवनी । धार्मिक अवसर मे सामाज सेवा भी होखो कहके उदेश्य से हमनीसब खुनदान कार्जक्रम के आयोजना कईल उ बतवनी ।

वार्ड अध्यक्ष कानु के प्रमुख आतिथ्यता एंव गुप्ता के अध्यक्षता मे आयोजना भईल कार्जक्रम मे घडीअर्वा छठ पूजा व्यवस्थापन समिति के अध्यक्ष दिलिप साह कानु, पूर्वअध्यक्ष हिरा साह कानु, प्रेम साह कानु, उपाध्यक्ष राकेश साह, कोषाध्यक्ष तिलक साह, सहकोषाध्यक्ष कन्हैया गुप्ता, सुरक्षा उपसमिति के संयोजक मुन्ना साह, सरसफाइ उपसमिति के संयोजक शम्भु साह कानु, युवा अभियन्ता दिलीपराज कार्की लगायत के सहभागीता रहल रहे ।