शैक्षिक शहिद मुकुन्द प्रसाद खनाल स्मृति प्रतिष्ठान पर्साद्धारा नवनिर्मित भवन के समुदघाटन एवं हस्तान्तरण
शैक्षिक शहिद मुकुन्द प्रसाद खनाल स्मृति प्रतिष्ठान पर्साद्धारा नवनिर्मित भवन के समुदघाटन एवं हस्तान्तरण
वीरगंज ०४ माघ
शैक्षिक शहिद मुकुन्द प्रसाद खनाल स्मृति प्रतिष्ठान पर्साद्धारा ठाकुरराम बहुमुखी क्याम्पस प्रध्यापक संघ के खातिर नवनिर्मित दुसरका तल्ला भवन के समुदघाटन एवं हस्तान्तरण कार्जक्रम पुरा भईल बा ।
प्रतिष्ठान पर्सा बियफे के दिने ठाकुरराम बहुमुखी क्याम्पस के एक कार्जक्रम के आयोजना करके प्रध्यापक संघ के खातिर नवनिर्मित दुसरका तल्ला भवन के समुदघाटन एवं हस्तान्तरण कईले बा । स्व. मुकुन्द प्रसाद खनाल के स्मृति दिवस के अवसर पार के क्याम्पस के अवकास प्राप्त प्रध्यापकलोग के दोसाला ओढाके सम्मान कार्जक्रम भी कईल रहे ।
कार्जक्रम के उपस्थित व्यक्तालोग शैक्षिक सहिद स्व. खनाल शिक्षा क्षेत्र मे कईल योगदान के चलते उ जिवित रहल जनवनी । शैक्षिक सहिद स्व. खनाल वीरगंज से गौशाला तक शिक्षा क्षेत्र मे आमूल परिवर्तन लियावल बात सभी से स्मर्ण कईले बाडन ।
कार्जक्रम मे प्रध्यापक संघ के पूर्व सभापती शत्रुधन यादव, डाक्टर हरेराम यादव, कर्मचारी संघ के अध्यक्ष किशोरी चौधरी, बार एशोसिएसन के अध्यक्ष कमल मोहन पोखरेल, पूर्व क्याम्पस प्रमुख प्रध्यापक डाक्टर महेन्द्र गुप्ता, केदार प्रसाद साह, डाक्टर उमेश चौरसिया, अवधेश कुमार झा, प्रकाश थारु प्रतिष्ठान के अध्यक्ष प्रकाश थारु, वरिष्ठ दन्त डाक्टर मनोज उपाध्याय, नेपाल पत्रकार महासंघ पर्सा के उपाध्यक्ष युवराज खडका लगायत के लोग मन्तव्य व्यक्त कईले रहनी ।
एहितरे स्व. मुकुन्द प्रसाद खनाल के माइलो ज्वाई वरिष्ठ अधिवक्ता सुजित पोखरेल, स्व. मुकुन्द प्रसाद खनाल के माझिल बेटी अधिवक्ता मनु खनाल, स्व. मुकुन्द प्रसाद खनाल के छोट दामाद शैलेश रेग्मी, छोट बेटी उच्च अदालत विटारनगर के न्याधिश ममता खनाल, पदम प्रसाद सुवेदी, मधेश विश्व विधालय के उपकुलपति दिपक शाक्य, प्रध्यापक संघ के सभापती डाक्टर प्रमोद कुमार कुश्वाहा, ठाकुरराम बहुमुखी क्याम्पस के निमित क्याम्पस प्रमुख अनील कुमार रमन, प्रतिष्ठान के संस्थापक सल्लाहकार एवं जेठ बेटी दामाद प्रकाश उपाध्याय, स्व. मुकुन्द प्रसाद खनाल के भतिजा कमल कुमार उपाध्याय लगायत के सहभागीता रहल रहे ।
कार्जक्रम के अध्यक्षता शैक्षिक शहिद स्व. मुकुन्द प्रसाद खनाल स्मृति प्रतिष्ठान के सभापती श्रीमती मुना खनाल कईले रहनी । कार्जक्रम के प्रमुख अतिथी ठाकुरराम बहुमुखी दाता परिवार के संजय कुमार तथा शशी रंजन कलवार के रहल रहे । कार्जक्रम मे स्वागत मन्तव्य प्रध्यापक संघ के पूर्व सभापती शत्रुधन यादव कईले रहनी आ शैक्षिक शहिद मुकुन्द प्रसाद खनाल स्मृति प्रतिष्ठान के सचिव लालबावु सिंह कार्जक्रम संचालन कईले रहनी । द्धन्द काल मे शैक्षिक सहिद स्व. खनाल के बारा के पिलुवा मे बस मे आगी लगाके मरले रहलन । उनका सँगे १९ जने के मृत्यु भईल रहे ।
