चापाकल सुखला के बाद वीरगंज मे खानेपानी के हाहाकार

वीरगंज २९ बैशाख

वीरगंज महानगर क्षेत्र मे सुक्खायाम के चलते चापाकल सुखे लागला के बाद खानेपानी के हाहाकार देखल गईल बा । घर–घर मे हलावल चापाकल सुखके खानेपानी के कमी भईला सँगे नेपाल खानेपानी संस्थान शाखा कार्यालय वीरगंज मे नयाँ धारा जडान के खातिर सर्वसाधारण आवेके क्रम बढल बा । अभी कार्यालय मे दैनिक सयो के सङ्ख्या मे नयाँ धारा जडान के खातिर निवेदन लेके आवत रहलन । खानेपानी संस्थान शाखा कार्यालय के वितरण प्रमुख सञ्जीवकुमार यादव बितल बरीस से वीरगंज बजार क्षेत्र के अधिकांश चापाकल सुखला सँगे सर्वसाधारण खानेपानी के लाइन जडान करे आवे लागल बतवनी । “वितल समय मे घर मे हलावल चापाकल मे पर्याप्त पानी आवेतक खानेपानी के धारा जडान मे स्थानीयवासी के खासे रुचि ना रहेला । बितल बरीस के हिउँदेयाम से चापाकल सुखके पानी के सङ्कट महसुस कईला के बाद अभी खानेपानी संस्थान मे धारा जोडेवाला के भिड लाग रहल बा”, उ कहनी ।
वितरण प्रमुख यादव चालु आर्थिक बरीस के अभी तक के समय मे मात्र दु हजार चार सय से बेसी नयाँ धारा जडान भईल जानकारी देहनी । “बितल आव के अन्त्य तक महानगर क्षेत्र मे आठ हजार चार सय घरधुरी मात्र ग्राहक रहलन”, उ कहनी, “खानेपानी के कडा सङ्कट होखे लागला के बाद अभी कूल ग्राहक सङ्ख्या १० हजार आठ सय से बेसी पुगल बा ।” वार्ड कार्यालय के सिफारिस मे संस्थान से रु छ हजार तीन सय ७० लेके नयाँ धारा जडान काम अगाडि बढावत आ रहल बा ।