राजेन्द्र महतो नेतृत्वको पार्टीमा थारु युवाको प्रवेश

काठमाडौँ १३ पुस

राष्ट्रिय मुक्ति पार्टी नेपालका अध्यक्ष राजेन्द्र महतोले युवा वर्गको सक्रिय सहभागिताले राष्ट्रिय मुक्ति क्रान्ति सफल हुने बताएका छन् । आज पार्टी कार्यालयमा केही थारु युवालाई पार्टीमा प्रवेश गराउँदै उनले जनजातिहरूको हक अधिकार र समानताको आन्दोलनमा युवाको भूमिकाबारे चर्चा गर्दै उनले समानताको आन्दोलनका लागि राष्ट्रिय मुक्ति पार्टी निरन्तर सङ्घर्षमा रहेको बताए ।

सामूहिक प्रवेश गर्ने थारु युवाले राष्ट्रिय मुक्ति पार्टीको विचारधारा र उद्देश्यप्रति प्रतिबद्धता व्यक्त गर्दै देशमा न्याय, समानता र समृद्धिको स्थापनाका लागि सक्रिय योगदान दिने प्रतिबद्धता जारी गरेका छन् ।

पार्टी प्रवेश कार्यक्रमले राष्ट्रिय मुक्ति क्रान्तिलाई थप बलियो बनाउँदै देशका जनजातिहरूको विश्वास र सहकार्य पार्टीप्रति अभिवृद्धि भएको सङ्केत रहेको उनी हरुले उल्लेख गरेका छन् ।

सिराहा, सप्तरी, दाङका थारु युवासहित ३८ जनाले राष्ट्रिय मुक्ति पार्टीमा प्रवेश गरेका छन् । उनीहरूलाई पार्टीका अध्यक्ष राजेन्द्र महतोले टिका लगाएर स्वागत गरेका छन् ।