सोमार से होखेवाला “सनलाइट टी–२० इन्टर स्कुल नकआउट क्रिकेट प्रतियोगिता” के तईयारी पुरा, १४ गो स्कूल भाग ली

भोटा. संवाददाता /
वीरगंज २७ माघ, वीरगंज महानगरपालिका वार्ड नं. १६ नगवा स्थित सनलाइट स्कुल के आयोजना मे “सनलाइट टी–२० इन्टर स्कुल नकआउट क्रिकेट प्रतियोगिता” के सभी तईयारी पुरा भईल बा ।
इहे माघ २८ गते से फागुन ४ गते तक आयोजना होखेवाला प्रतियोगिता मे वीरगंज के अनेकन प्रतिष्ठित विद्यालयसब सहभागिता जनावेके आयोजक जनवले बा ।
प्रतियोगिता मे माउन्ट मकालु स्कुल, एसआर ग्यालेक्सी, मिनील्यान्ड स्कुल, जीवन ज्योति स्कुल, मनोकामना स्कुल, ज्ञानदा एकेडेमी, चिल्ड्रेन वल्र्ड स्कुल, मालिनी एकेडेमी, सनलाइट स्कुल, गौतम स्कुल, ज्ञान ज्योति स्कुल, लिटिल एन्जल्स स्कुल, ओम नेशनल एकेडेमी आ वीरगंज एकेडेमी करके १४ गो स्कूलसब भाग लेवेके सनलाइट स्कुल के प्रधानाध्यापक आलोक कुमार चौरसिया जानकारी देहनी ।
मिनिल्याण्ड स्कूल के प्राङ्गणमा एतवार के दिने आयोजना कईल पत्रकार सम्मेलन मे प्रधानाध्यापक चौरसिया कहनी खेल नकआउट आधार मे वीरगंज स्थित नारायणी क्रिकेट रङ्गशाला मे आयोजना होखेके बतवनी । उ प्रतियोगिता से विद्यार्थीलोग के शारीरिक तथा मानसिक विकास मे महत्वपूर्ण योगदान पुगावेके विश्वास व्यक्त कईनी ।एहितरे प्रतियोगिता संयोजक अमित आलोक प्रतियोगिता चार समूह मे विभाजित करेके बतावत प्रतियोगिता अन्तर्गत के उदघाटन खेल मनोकामना स्कुल आ ज्ञानदा एकेडेमी बिच सोमार के दिने सबेरे ९ बजे से होखी । प्रतियोगिता के औपचारिक उदघाटन दिनके १२ बजे होखेके आलोक बतवनी । लिग चरण के रोमाञ्चक प्रतिस्पर्धा के बाद फाइनल खेल आवेवाला फागुन ४ गते नारायणी क्रिकेट रङ्गशाला मे दिनके १ बजे से होखकेके बतवनी । फाईनल खेल मे विजेता टिम के आकर्षक ट्रफी तथा पुरस्कार देहल जाएके बतवनी ।
प्रतियोगिता के खेलसब उत्कृष्ट व्यवस्थापन सहित खेलावेके सुनिश्चित करे खातिर आयोजक टिम अनेकन तईयारी पुरा कर चुकल बा । खेलाडीलोग के सुविधा के खातिर उचित व्यवस्थापन, मेडिकल सुविधा, तथा अनुशासन पालना अनिवार्य कईल भी आयोजक जनवले बा ।
प्रतियोगिता से वीरगंज के विद्यार्थीलोग बिच खेल भावना, अनुशासन तथा आपसी समन्वय के विकास मे महत्त्वपूर्ण भूमिका खेलेके विश्वास कईल बा । आयोजक टिम सभी विद्यालय के विद्यार्थी, अभिभावक, शिक्षक तथा खेल प्रेमीलोग के उपस्थित होके खेलाडीलोग के हौसला बढावे खातिर निहोरा कईनी ।
पत्रकार सम्मेलन मे जीवन ज्योति स्कुल के प्रधानाध्यापक शिव गुप्ता, मिनी ल्यान्ड स्कुल के प्रधानाध्यापक सुरजबाबु पटेल लगायत के सहभागिता रहल रहे ।