७० हजार मेट्रिकटन चईते धान उत्पादन
बारा २८ असाढ,
बारा मे ई बरीस ७० हजार मेट्रिक टन चईतेधान उत्पादन भईल कृषि ज्ञानकेन्द्र बारा जनवले बा । कृषक अनेकन जात के चईते धान १५ हजार १०५ हेक्टर क्षेत्रफल मे खेती कईला मे मौसम बढिया भईल आ समय समय मे पानी पडला के चलते उत्पादन मे वृद्धि होके प्रतिहेक्टर ४ दशमलव मेट्रिकटन से कूल ६९ हजार ९७२ दशमलव ५ प्रतिशत मेट्रिकटन धान उत्पादन भईल ज्ञानकेन्द्र के प्रमुख जीतेन्द्र यादव बतवनी ।
बितल बरीस अनेकन जात के चईते धान १२ हजार ११५ हेक्टर क्षेत्रफल मे खेती करके प्रतिहेक्टर ४ दशमलव ४ मेट्रिकटन से ५३ हजार ३०६ मेट्रिकटन उत्पादन भईल रहे । बितल बरीस से ई बरीस उत्पादन मे बढोत्तरी भईल बा ।
हरिहर तरकारी महंगा भईल कुछ दिन से होत आईल वर्षात के चलते तरकारी खेती मे नोक्सानी भईला के बाद कलैया बजार लगायत जिल्ला भर हि हरिहर तरकारी के दाम महँगा भईल बा ।
कलैया बजार मे अभी हरिहर तरकारी झिगुनी प्रतिकिलो रु १००, बोडी रु १००, रामतोरी रु ७०, करईला रु ६०, घिउरा रु ६० आ परोरा रु ८० प्रतिकिलो बिक्री वितरण हो रहल कृषि ज्ञान केन्द्र के प्रमुख जीतेन्द्र यादव जानकारी देहनी ।
हरिहर तरकारी १५ दिन पहिले कलैया बजार मे झिगुनी रु ६०, वोडी रु ६०, रामतोरी रु ३०, करेला रु ३५, घिउरा रु २५ आ परोरा रु ६० प्रतिकिलो बिक्री होत रहे ज्ञानकेन्द्र के प्राविधिक सहायक गेनालाल मण्डल बतवनी ।
बितल बरीस कृषक वर्ष झिगुनी, रामतोरी, घिउरा, करईला, आदि करके पाँच हजार ४५० हेक्टर क्षेत्रफल मे तरकारी खेती कईला मे वर्षात के चलते खेत मे हि गल के उत्पादन मे बहुते गिरावट भईल ज्ञानकेन्द्र के प्रमुख यादव जानकारी देहनी ।
