आउर २,४४५ जने मे कोरोना संक्रमण, ३२ जने के मृत्यु
काठमाण्डु ४ सावन
पिछिलका २४ घण्टा मे आउर २,४४५ जने मे कोरोना भाइरस संक्रमण पुष्टि भईल बा ।
स्वास्थ्य तथा जनसंख्या मन्त्रालय के मुताविक ७,८३३ जने मे कईल पीसीआर परीक्षण मे १,६४२ जने आ ३,८३१ जने मे कईल एन्टिजेन परीक्षण मे ८०३ जने करके २,४४५ जने मे संक्रमण पुष्टि भईल बा । पिछिलका २४ घण्टा मे कोरोना भाइरस संक्रमणमुक्त होखेवाला के संख्या १२५८ रहल बा आ कोरोना संक्रमण से ३२ जने के मृत्यु भईल बा ।
कउन जिल्ला मे केतना संक्रमित थपईलें ?
स्वास्थ्य तथा जनसंख्या मन्त्रालय के मुताविक सबसे बेसी काठमाण्डु मे ३३०, सुनसरी मे १८४, कास्की मे १६०, झापा मे १२९ आ मोरङ मे १०२ जने मे कोरोना संक्रमण पुष्टि भईल बा ।
एहितरे भक्तपुर मे ८८, चितवन मे ७२, ललितपुर मे ५६, मकवानपुर मे ५३, नवलपरासी पुर्व मे ५१, धादिङ मे ४४, रुपन्देही मे ३६, नुवाकोट मे ३२ जने कोरोना संक्रमित थपाईल बाडन ।
कैलाली मे २८, गोरखा मे २५, दोलखा मे २१, धनुषा मे १७, ओखलढुंगा मे १५, कञ्चनपुर मे १३, गुल्मी मे १२, धनकुटा, स्याङजा आ दाङ मे ११÷११ जने मे कोरोना संक्रमण देखल गईल मन्त्रालय जनवले बा ।
एहितरे १० बरीस निचेके ४२ लईकालइकी मे कोरोना संक्रमण पुष्टि भईल बा आ ११ से २० बरीस उमिर समूह के १३५ जने मे कोरोना संक्रमण देखल गईल स्वास्थ्य तथा जनसंख्या मन्त्रालय जनवले बा ।
