नेपाली उत्पादन ७८ देश मे निर्यात

वीरगंज ०८ अगहन

देश के सबसे बडका वीरगंज भन्सार होत पिछिलका चार महिना मे कूल रु ३९ अरब ५६ करोड बराबर के नेपाली उत्पादन निर्यात भईल बा ।

ई नाका से ७८ देश मे नेपाली उत्पादन निर्यात होखेला । वीरगंज स्थित भन्सार कार्यालय के मुताविक चालू आर्थिक बरीस २०७८÷७९ के सावन से कातिक मसान्त तक कूल रु ३९ अरब ५६ करोड ३९ लाख ५० हजार मूल्य बराबर के नेपाली उत्पादन भारत तथा तिसरका देश मे निकासी भईल बा ।

आव २०७७÷७८ के उहे समय के बराबरी मे चालू आर्थिक बरीस के पिछिलका चार महिना मे कूल २१८ प्रतिशत से बेसी दाम बराबर के नेपाली उत्पादन ई नाका होत देश बाहिर निर्यात भईल देखल गईल बा । बितल आव २०७७÷७८ के सावन से कातिक मसान्त तक मे ई नाका से कूल रु १२ अरब ४४ करोड दु लाख ८५ हजार बराबर के मालसमान निर्यात भईल रहे । उ समय मे कोभिड–१९ के असहज परिस्थिति के चलते नेपाली सामान बहुते कम निर्यात भईल देखल गईल बा ।

चालू आव २०७८÷७९ के सावन से कातिक मसान्त तक के अवधि मे वीरगंज भन्सार नाका होत देश बाहर निर्यात भईल सामान मे विविध किसिम के तेल से अनेकन कपडाजन्य सामान तक परेला । उ समय मे निर्यात भईल सामान मेसे वीरगंज नाका से रु १७ अरब २० करोड ९० लाख ९ हजार मूल्य बराबर के भटमास के प्रशोधित तेल निर्यात भईल देखल गईल बा । एहितरे प्रशोधित पाम तेल रु १३ अरब ४० करोड ७८ लाख २२ हजार मूल्य बराबर के निर्यात भईल बा, आ डाबर के उत्पादन तथा आउर फलफूल के जुस रु एक अरब ८४ करोड ४७ लाख ५७ हजार मूल्य बराबर के निकासी भईल देखल गईल बा । एहितरे उ समय मे सूर्यमुखी प्रशोधित तेल रु एक अरब ५८ करोड दु लाख ६१ हजार मूल्य बराबरके भारत ओरी निकासी भईल बा आ भटमास के पिना मात्र रु ६१ करोड ६८ लाख ९४ हजार के भारत ओरी निकासी भईल वीरगंज भन्सार कार्यालय जनवले बा ।

एहितरे वीरगंज भन्सार नाका से भारत तथा तिसरका देश ओरी जमोठ कपडा, बत्तिसा, त्रिफला, च्यावनप्रास, सेन्थेटिक यार्न, स्पोर्ट सुज, सेन्थेटिक सुज, दन्तमञ्जन, ऊन गलैँचा, होमियोपैथिक तथा आयुर्वेदिक औषधि, तयारी कपडा लगायत सामान भारत तथा तिसरका देश मे निर्यात भईल देखल गईल बा ।

देश के सबसे बडका भन्सार नाका वीरगंज भन्सार नाका होतँ विविध नेपाली उत्पादन इन्डोनेसिया, चीन, अर्जेन्टिना, पाराग्वे, युक्रेन, ब्राजिल, मलेसिया, अस्ट्रेलिया, रूसी सङ्घ, थाइल्याण्ड, दक्षिण अफ्रिका, सिङ्गापुर, कोरिया, गणतन्त्र जापान, जर्मनी, नेदरल्याण्ड्स, संयुक्तराज्य अमेरिका, भियतनाम, इजरायल, पोल्याण्ड, साउदी अरेयिबा, श्रीलङ्का, ताइवान, चीन के प्रान्त, संयुक्त अरब इमिरेट्स, लिथुआनिया, इटाली, फ्रान्स, बेल्जियम, न्यूजिल्याण्ड, फिलिपिन्स, टर्की, युनाइटेड किङगडम, क्यानडा, स्पेन, डेनमार्क, अस्ट्रिया, बहराइन, मेक्सिको, युरोपेली सङ्घ, स्विट्जरल्याण्ड, स्लोभाकिया, पाकिस्तान, ओमान, हङ्गेरी, नर्वे, पोर्चुगल, स्वाजिल्याण्ड, इजिप्ट, मेडागास्कर, ग्रीस, बङ्गलादेश, लक्जमबर्ग, मोजाम्बिक, बुल्गेरिया, म्यानमार, आयरल्याण्ड, सर्बिया, स्वीडेन, पोर्टो रिको, हङगकङग, होन्डुरस, स्लोभेनिया, निकारागुआ, कोलम्बिया, एल साल्भाडोर, सियरा लियोन, फिनल्याण्ड, जर्जिया, बोस्निया आ हेर्जेगोभिना, रोमानिया लगायत देश मे निर्यात होखेला ।