ज्यान मारेके धम्की देके पईसा असुले खोजेवाला पकडईलें

रौतहट १९ पुस

रौतहट पुलीस फतुवा बिजयपुर से ज्यान मारेके धम्की देके पईसा असुली करेके खोज रहल एक जने के पकडले बा । पुलीस फतुवाबिजयपुर–८ के ३५ बरीस के श्रीभगवान साह के पकडले बा । बुध के रात पकडाईल साह के पुलीस बियफे के दिने पत्रकार सम्मेलन करके सार्वजनिक कईले बा । जिल्ला प्रहरी कार्यालय के प्रवक्ता डिएसपी एलिजा गिरी साह के पकडके पुलीस आपराधिक लाभ (एक्सटर्सन) सम्बन्धि कसुर मे मुद्धा चलावल जानकारी देहनी ।

‘साह ज्यान मारेके धम्की देके पईसा असुलेके योजना बनवले रहलन,‘ कहत उ, ‘हमनी ई मुद्दा मे आउर भी आदमी संलग्न बाडन÷नईखे अनुसन्धान हो रहल बा ।’ डिएसपी गिरी के मुताविक साह मोबाईल नम्बर ९८०१५७७५१० से स्थानीय ब्यापारी के बेर–बेर फुन मार्फत् ५० लाख रकम मागत आईल रहलन ।

रोपेया ना देहला के बाद बेता बेटी के हत्या करेके कहत फुन से धम्कईला के बाद ब्यापारी पुलीस मे जाहेरी देहले रहलन । ओकरा बाद पुलीस मोबाईल नम्बर के पहिचान कईले रहे । ओकरा बाद साह के गाँव से बुध के रात पकडले बा ।

साह पुस १० गते से हि ब्यापारी के फुन करके रोपेया मँगले रहलन । पुलीस पीडित ब्यापारी के नाम गोप्य राखे खातिर निहोरा कईले बा । साह सँगे कुछ आदमी के सलग्नता रहला पर भी फरार भईला से उलोग के खोजतलास हो रहल पुलीस जनवले बा ।