प्राज्ञिक विद्यार्थी परिषद्द्धारा वीरगंज मे दबाब यात्रा

वीरगंज १९ माघ

प्राज्ञिक विद्यार्थी परिषद् नेपाल राष्ट्रव्यापी शैक्षिक अभियान–२०८० अन्तर्गत शिक्षा क्षेत्र के समग्र सुधार के खातिर वीरगंज मे विद्यार्थी दबाब यात्रा निकलले बा ।

वीरगंज के करिब एक दर्जन शिक्षण संस्थासब के विद्यार्थीलोग के उपस्थित मे वीरगंज के घण्टाघर से सुरु भईल दबाव यात्रा माईस्थान, आदर्शनगर, घडिअर्वा होत फेनु घण्टाघर मे पुगके कोणसभा मे परिणत भईल रहे ।

प्राज्ञिक विद्यार्थी परिषद् नेपाल के अध्यक्ष छितराज न्यौपाने के नेतृत्व मे निकलल दबाव यात्रा मे शिक्षा मे वैदेशिक लगानी अन्त्य करेके, शिक्षा मे दलित भागभण्डा अन्त्य करेके, नेपाली माटी के आधार मे पाठ्यक्रम तईयार करेके, नेपाल के इतिहास, महापुरुष, संस्कार, संस्कृति के बारे मे पाठ्यक्रम तईयार करेके लगायत के मागसब कईले रहलन ।

राष्ट्रव्यापी शैक्षिक अभियान २०८० अन्तर्गत समग्र शिक्षा क्षेत्र के सुधारके खातिर विद्यार्थी दबाब यात्रा मे करिब एक हजार विद्यार्थीलोग के सहभागिता रहल रहे ।

घण्टाघर मे भईल कोणसभा मे प्राज्ञिक विद्यार्थी परिषद् नेपाल के केन्द्रीय विश्वविद्यालय कार्य प्रमुख छितराज न्यौपाने, परिषद् के जानकी प्रदेश अध्यक्ष डा. सुस्मा तिवारी, परिषद् के राष्ट्रिय सचिव कविराज न्यौपाने, केन्द्रीय सदस्य घनश्याम नायक, प्रदेश अध्यक्ष सुस्मा तिवारी, प्रदेश सहसचिव अभिशेषक ठाकुर, प्रदेश कोषाध्यक्ष अरुण प्रसाद कुशवाह, प्रदेश सदस्य रत्नेश मिश्रा, रामशंकर पण्डित, विद्यार्थी नेता प्रभावकर चौरसिया लगायत के लोग आपन आपन बिचार रखले रहनी ।