माघ २८ गते से पिपरा मे होखेवाला श्री विष्णु महायज्ञ के तईयारी अन्तिम चरणमे

वीरगंज २१ माघ

वीरगंज के पिपरा मे इहे माघ २८ गते से होखे लागल ९ दिने श्री विष्णु महायज्ञ के तईयारी अन्तिम चरण मे पुगल महायज्ञ व्यवस्थापन मूल समिति जनवले बा ।

एतवार के दिने पत्रकार सम्मेलन करके समिति महायज्ञ के तईयारी अन्तिम चरण मे पुगल जानकारी करवले बा ।

वीरगंज के पिपरास्थित चिनीमिल के जमिन मे होखेवाला महायज्ञ के कलश यात्रा माघ २७ गते सबेरे निकालेके आ महायज्ञ माघ २८ गते से सुरु होखेवाला पत्रकार सम्मेलन मे महायज्ञ के संरक्षक श्री श्री १००८ श्री जगत नन्दन दास महराज (पगला बाबा) जानकारी करवनी ।

उनका मुताविक महायज्ञ मे १०८ कुञ्ज मे १०८ गो मण्डली अखण्ड पूजापाठ तथा कीर्तन करेके कार्जक्रम बा । महायज्ञ मे रामचरितमानस पाठ प्रवचन, रामलीला, रासलीला, रामायण पाठसहित के कार्जक्रमसब भी होखी ।

९ दिन तक सञ्चालन होखेवाला महायज्ञ मे दैनिक १० हजार श्रद्धालु भक्तजन के खातिर भण्डारा के व्यवस्था कईल समिति जनवले बा । पत्रकार सम्मेलन मे संविधानसभा सदस्य अनिल रुङ्गटा, समाजसेवी मुर्लीधर रुङ्गटा, वीरगंज के पूर्वमेयर विजय सरावगी, नेपाल पत्रकार महासंघ के केन्द्रिय सचिव दीपेन्द्र चौहान लगायत के सहभागिता रहल रहे ।