वीरगंज सुक्खा बन्दरगाह–एकीकृत सुरक्षा जाँच चौकी के एक महिना भितर जमिन अधिग्रहण प्रक्रिया ओराई

वीरगंज २३ माघ

अधिग्रहण प्रक्रिया मे रहल वीरगंज महानगरपालिका–२५ स्थित सिर्सिया सुक्खा बन्दरगाह आ एकीकृत सुरक्षा जाँच चौकी बीच मे रहल सिर्सिया खल्वाटोला गाँव के खेत के मुआब्जा वितरण लगभग पुरा भईल बा ।

सुक्खा बन्दरगाह भन्सार कार्यालय के प्रमुख भन्सार अधिकृत रामप्रसाद मैनाली के मुताविक अभी तक स्थानीय जमिन धनी से करिब ४ अरब ८० करोड रोपेया मुआब्जा रकम बुझल बाडन ।

‘मुद्दा मामिला तथा प्राविधिक जटिलता रहल कुछ जग्गाधनी बाहेक अधिकांश से आपन खेत के मुआब्जा बुझल बाडन,’ कहत उ, ‘अब बाँकी रहल घरघडेरी, पोखरी, बानीनाली आ गाछि के मूल्यांकन करेके काम सुरु कईल बा ।’ एकरा खातिर अनेकन उपसमिति काम सुरु कईल उ बतवनी । प्राविधिकसब सम्मिलित उपसमितिसब सोमार से काम सुरु कईल आ १ महिना भितर पुरा करके ओरवावेके लक्ष्य के साथ काम हो रहल उ बतवनी ।

‘मुआब्जा निर्धारण करे खातिर सक्रिय उपसमितिसब एक महिना भितर काम पुरा करके मुआब्जा रकम निर्धारण करी,’ कहत उ, ‘ओकरा बाद केतना रकम मुआब्जा वितरण कईल जरुरी पडि उ उल्लेख करके अर्थ मन्त्रालय से मागल जाई ।’

सिर्सिया सुक्खा बन्दरगाह आ एकीकृत सुरक्षा जाँच चौकी के बीच मे परेवाला कूल ६२ बिगहा जमिन के ९ सय २० कित्ता जमिन अधिग्रहण प्रक्रिया संघीय सरकार से ७ बरीस पहिले सुरु कईले रहे । नेपाल सरकार के २०७३ पुस १७ के निर्णय से स्थानीय के जमिन अधिग्रहण प्रक्रिया अगाडि बढल बा ।

सरकारी मापदण्ड मुताविक, इहाँ मुआब्जा रकम सभी से बेसी प्रतिकठ्ठा ६७ लाख ७० हजार रोपेया आ सब से कम प्रतिकठ्ठा २४ लाख ६० हजार रोपेया रहल बा । करिब २ दशक पहिले से सञ्चालन

मे रहल सिर्सिया सुख्खा बन्दरगाह आ करिब ६ बरीस से सञ्चालन मे रहल एकीकृत सुरक्षा जाँच चौकी के बीच मे खल्वाटोला गाँव आ स्थानीय के खेत परेला । ई दु बडका संरचना बीच रहल ई टोल के अधिग्रहण करके मानव बस्ती पूर्ण रूप से हटईला के बाद दुनु संरचना एक दोसर से जोडल जाई ।

देश के आर्थिक गतिविधि मे बडका भूमिका खेलेवाला ई दुनु भन्सार विन्दु के जोडके निर्वाध रूप मे सञ्चालन करे खातिर सरकार ई भन्सार बीच के जमिन अधिग्रहण करेमे लागल बा । माकिर जमिन अधिग्रहण प्रक्रिया से गाँव मे बहुते जमिन रहल स्थानीय के बडका लाभ मिलल बा आ कम घडेरी मात्र होखेवाला स्थानीय के उठिबास भईल बा ।