परोहा मे दादुरा रूबेला सम्बन्धि अभिमुखिकरण कार्जक्रम पुरा

मेवालाल यादव

रौतहत १४ फागुन

परोहा नगरपालिका मे पालिका स्तरिय दादुरा रूवेला खोप अभियान सम्बन्धि समन्वय समिति, स्वास्थ्यकर्मी, सञ्चारकर्मी तथा सरोकारवालालोग के खातिर १ दिने अभिमुखिकरण कार्जक्रम तथा योजना तर्जुमा गोष्ठी परोहा नगरपालिका के सभाहल मे पुरा भईल बा ।

पालिका स्वास्थ्य शाखा के आयोजना मे भईल कार्जक्रम मे नेपाल सरकार फागुन १३ गते से चईत ७ गते तक देशभर दादुरा–रुबेला के खोप अभियान सञ्चालन कईले बा । स्वास्थ्य तथा जनसङ्ख्या मन्त्रालय के मुताविक भारत से सीमा जुडल दादुरा–रुबेला के बहुते सङ्क्रमित ५१ जिल्ला आ काठमाण्डु उपत्यका के तीन करके २४ जिल्ला मे ९ महिना से १५ बरीस निचेके लईकालईकी के लगावेके बतावल गईल बा ।

सरकार अब के दु बरीस अर्थात् सन् २०२६ तक दादुरा–रुबेला निवारण करेके लक्ष्य के साथ खोप अभियान सञ्चालन करे लागल बा । ई खोप रौतहट जिल्ला मे ३ चरण मे सञ्चालन होखेके बतावत ई खोप पुर्ण सुरक्षित रहल स्वास्थ्य शाखा परोहा नगरपालिका जलन्धर यादव बतवनी ।

परोहा नगरपालिका–४ के वार्ड अध्यक्ष जवाहरलाल यादव के अध्यक्षता मे भईल कार्जक्रम मे परोहा नगरपालिका के उपमेयर सुगान्धी गिरी, प्रशासकीय अधिकृत मो. महफुज, स्वास्थ्य शाखा मो.अताउल्ला, योजना शाखा प्रमुख अब्दुल रब अन्सारी, शिक्षा प्रमुख सन्तोष पटेल, आर्थिक लेखा सिवपुजन मण्डल, जेन्सी प्रमुख मो. मोतिरहमान, बालबालिका शाखा प्रमुख आयसा हसन, स्वास्थ्य कार्यालय गौर के खोप शाखा प्रमुख अनिल कुमार कर्ण, विश्व स्वास्थ्य संगठन के कर्मचारी अशा चौधरी, डा. सुरेश सुक्ला, परोहा नगरपालिका –६ के वार्ड अध्यक्ष रामबिलास पटेल, वार्ड अध्यक्ष जवाहरलाल यादव, नागेन्द्र पटेल, शेख कपिल अन्जुम, खेदु मुखिया लगायत के सहभागिता रहल रहे ।