पर्सा के हरिहरपुर मे आगलागी भईला पर पाँच गो घर जरल

वीरगंज १२ बैशाख

पर्सा के धोबिनी गाँवपालिका वार्ड नम्बर ३ हरिहरपुर मे बुध के दिने आगलागी भईला पर पाँच गो घर पूर्ण रुपमे जरके नोक्सान भईल बा ।
स्थानीय योगेन्द्र साह के घर से सुरु भईल आगलागी पडोसी भरत साह कानु, हरिन्द्र साह कानु, लक्ष्मी साह कानु आ सेठ साह कानु के घर मे भी लागल रहे । आगलागी से पाँच जने के घर आ घर भितर रहल सामान जरके नोक्सान भईल जनावल गईल बा ।
आगलागी से पाँच गो घर जरके नोक्सान भईला पर भी मानवीय क्षति ना भईल ईलाका प्रहरी कार्यालय लंगडी के प्रहरी नायब निरीक्षक तेजेन्द्र बिसी बतवनी । आगलागी के कारण समाचार तईयार करे तक खुले ना सकल उ बतवनी । आलागी से भईल धनमाल के क्षति के विवरण संकलन हो रहल बतवनी ।
हरिहरपुर मे भईल आगलागी पोखरिया से गईल वारुण यन्त्र के सहजोग मे पुलीस आ स्थानीयबासी के सहजोग मे बुतल जनावल गईल बा ।