१४ जनानी सहित ६० जने कईलें खुनदान

वीरगंज २२ बैशाख

वीरगंज स्थित श्रीराम हस्पिटल के आयोजना मे भईल कार्जक्रम मे १४ जनानी सहित ६० जने खुनदान कईले बाडन ।
खुनदान करेवाला मे बिककी सर्राफ, कमल चौगाईं, नम्रता घिमिरे, अमृता श्रेष्ठ, प्रेम भण्डारी, ईशा बराल, प्रिती रिमाल, ज्योतीलाल पण्डित, डाक्टर मनिष खन्ना, डाक्टर सुनिल यादव, अमजद अन्सारी, शशांक लामा लगायत के लोग रहल रक्त सञ्चार केन्द्र वीरगंज के प्राविधिक प्रमुख सौरभराज पाण्डे बतवनी ।
गर्मी मे रक्त सञ्चार केन्द्र वीरगंज मे खुन के कमी रहल जानकारी मिलला के बाद खुनदान कार्जक्रम के आयोजना कईल अस्पताल के प्रबन्ध निर्देशक डा.दिप्ती यादव बतवनी । खुनदान करेवाला के अनेकन जात के पौधा भी बाँटल गईल रहे ।
यादव के अध्यक्षता मे भईल कार्जक्रम मे पुर्व प्रदेश सभा सदस्य भीमा यादव, प्रहरी निरीक्षक पुष्कर बोगटी, बरिष्ठ बालरोग विशेषज्ञ डाक्टर श्यामसुन्दर यादव, वीरगंज युवा समाज के संस्थापक अध्यक्ष कमल चौगाईं, डाक्टर रामप्रसाद यादव लगायत के सहभागिता रहल रहे ।