स्वास्थ्य बीमा सम्बन्धि चार दिने आधारभुत तथा पूनर्ताजगी तालिम बितल

वीरगंज ०७ जेठ

बारा के कलैया मे स्वास्थ्य बीमा सम्वन्धी चार दिने आधारभुत तथा पूनर्ताजगी तालिम समापन भईल बा । सामाजिक स्वास्थ्य सुरक्षा अन्तर्गत के स्वास्थ्य बीमा कार्जक्रम अन्तर्गत कार्जक्रम के दर्ता सहजोगीलोग के खातिर आधारभुत तथा पूनर्ताजगी पुरा भईल जनावल गईल बा ।
तालिम जिल्ला संयोजक रमेश खनिया के अध्यक्षता मे भईल तालिम मे सहभागीालोग पिछिलका समय मे मधेश प्रदेश मे स्वास्थ्य बीमा करावेवाला के सङ्ख्या क्रमशः बढत गईल बतवले बाडन ।
सरकारी अस्पताल मे ईलाज करईला पर १० प्रतिशत आ निजि अस्पताल मे ईलाज करईला पर २० प्रतिशत खर्च मरेजी से तिरेके पडि आ ओकर बाँकी खर्च बीमा बोर्ड से व्यहोरेके प्रावधान लागु भईला के बाद स्वास्थ्य बीमा करावेवाला के सङ्ख्या बढत गईल बा । मधेश प्रदेश मे स्वास्थ्य बीमा कार्जक्रम मे समावेश होखेवाला के सङ्ख्या क्रमशः बढत जा रहल स्वास्थ्य बीमा बोर्ड मधेश प्रदेश के संयोजक मनोज पौडेल दावी कईनी । उनका मुताविक प्रदेश मे अभी तक स्वास्थ्य बीमा करावेवाला २ लाख ५१ हजार १ सय ७२ परिवार सङ्ख्या पुगल बा ।
सबसे बेसी सिराहा मे १ लाख २२ हजार २७१ पुगल बा आ कम ४० हजार ६ सय ६८ सर्लाही मे रहल बा । एहितरे सप्तरी मे ९४ हजार २० आ धनुषा मे ५४ हजार ९ सय ६७, महोतरी मे ४९ हजार २ सय ५७, रौतहट मे ८३ हजार ६ सय २२, बारा मे ६८ हजार २ सय ३८ आ पर्सा मे ९१ हजार ६ सय २४ जने स्वास्थ्य बीमा करावल बोर्ड के तथ्याङ्क देखवले बा ।
पुराना बिमितलोग मेसे करिब ५८.४९ प्रतिशत से बेसी स्वास्थ्य बीमा नवीकरण करवले बाडन । स्वास्थ्य बीमा मे सहभागी होखे खातिर पाँच जने सदस्य रहल परिवार वार्षिक रु तीन हजार पाँच सय प्रिमियम रकम तिरेके पडि आ पाँच जने से बेसी सदस्य भईला पर एक सदस्य बराबर थप रु.सात सय के दर से वार्षिक प्रिमियम बुझावेके प्रावधान रहल संयोजक पौडेल बतवनी ।
बिमित परिवार के सदस्य बेमार भईला पर रु.एक लाख बराबर के ईलाज शुल्क स्वास्थ्य बीमा बोर्ड अस्पताल के भुक्तानी करत आईल बा । कैयन अस्पताल मे सरकार बिमा वापत के रोपेया समय मे ना देहला पर उ अस्पताल से बिमा के कार्जक्रम हि रोकल अस्पतालसब जनवले बा ।