श्रम तथा रोजगारको कार्यालय र जिल्ला प्रशासन कार्यालयको मिलोमतोमा नै गैर कानुनी तरिकाले सेक्युरिटी गार्ड लाई काममा लगाउँदै

अनिल कुमार गुप्ता

बारा ९ असार
बिगत केही समय देखी मधेश प्रदेश को बिरगंज महानगरपालिकामा रहेका बिभिन्न फैक्ट्रीहरुमा बिभिन्न सेक्युरिटी कम्पनीहरु ले श्रम तथा रोजगार कार्यालय र जिल्ला प्रशासन कार्यालयको मिलो मतोमा गैर कानुनी तरिकाले सेक्युरिटीहरु गार्डहरु धमाधम काममा लगाउदै छन् ।
मिती २०८१ साल जेठ महिनाको २३ गते यसै बिषय बस्तुमा आधारित बिभिन्न पत्र पत्रिका संचार माध्यहले सामाचार लेखेकोले गर्द श्रम तथा रोजगार कार्यालयका प्रमुख तथा जिल्ला प्रशासन कार्यालय बिरगंज पर्साका सहायक जिल्ला प्रमुखले ती सेक्युरिटी सर्भिसहरुलाई कानुनको दयरामा ल्याई आवश्यक कार्वाही गर्ने प्रतिबद्धता जनाएका थिए । तर हालको अवस्थामा यी दुई प्रमुखहरुको मिलोमतोमा ती सेक्युरिटी गार्डहरुलाई गैरकानुनी तरिकाले खटाईरहेको एक श्रोतले जनाएको छ । नेपाल सरकार उधोग, बाण्जिय तथा आपूर्ति मन्त्रालय कम्पनि रजिष्ट्रारको कार्यालय मार्फत बिभिन्न सेक्युरिटी कम्पनीहरु दर्ता गरी श्रमिकहरु लगायत सेक्युरिटी गार्डहरु गैरकानुनी तरिकाले ब्यापक रुपमा खटाईरहेको एक श्रोत मार्फत खुल्न आएको हो । कुनै पनि सेक्यसरिटी सर्भिस कम्पनीले कम्पनी रजिष्ट्रारको कार्यालयमा दर्ता गरि सके पछि श्रम ऐन २०७४ को परिच्छेद ११ को दफा ५९ को (१), (२), (३), र (४), मा उलेखित बमोजिमम सम्बन्धित जिल्लामा रहेको श्रम तथा रोजगारको कार्यालयमा बैंक ग्यारेन्टि दिई सो कार्यालयबाट श्रम स्विकृतीको प्रमाण पत्र लिएको र सम्बन्धित जिल्ला प्रशासन कार्यालयबाट अनिवार्य रुपमा कार्यालय संचालनको अनुमति लिएकोले मात्र सेक्युरिटी गार्डलाई काममा लगाउन पाउने छ । यदि यसो नगरि काममा लगाउन पाईमा दुबै पक्षलाई अर्थात मुख्य रोजगारदाता र रोजगारदाता लाई श्रम ऐन अनुसार नगद दुई लाखका दरले जरिवाना हुने कानुनी कार्वाहीको व्यवस्था रहेको श्रम तथा रोजगारको कार्यालय बिरगंजका कार्यालय प्रमुख रुद्र नारायण साहले प्रतिबद्धता जनाए पनि हाल सम्म कुनै किसिमको कानुनी कार्वाही न त ती सेक्युरिटी सर्भिसलाई, न त त्यस्ता मुख्य रोजगारदातालाई गरेको पाईएको छ ।
बारामा अवस्थित भलुही देखी मोतीसरको बिचमा पर्ने बोल बम फिड ईण्डस्ट्रिजमा श्रम तथा रोजगारको कार्यालयय बाट आज बिहान करिब ८ बजेको समयमा छडके जाँच गर्दा खेरी डेन्सो सेक्युरिटी सर्भिसेस प्रा.ली. का तर्फबाट २ जना सेक्युरिटी गार्ड खटिरहेको अवस्थामा फेला पारेको हो । जुन डेन्सो सेक्युरिटी सर्भिसले सम्बन्धित कार्यालयबाट कार्यालय सञ्चालनको अनुमति बिना र श्रम स्विकृती बिना नै सेक्युरिटी गार्डलाई काममा लगाईएको भएता पनि यी दबै कम्पनी माथी कुनै किसिमको कानुनी कावार्ही नभएको आफ्नो नाम नखोलीदिने शर्तमा एक कामदारले बताएका छन् ।