संविधान संशोधन गर्ने कामलाई तत्काल अघि बढाउँछौः कानूनमन्त्री चौरसिया

 काठमाण्डौ ०१ साउन

नवनियुक्त कानून, न्याय तथा संसदीय मामिलामन्त्री अजयकुमार चौरसियाले संविधान संशोधन गर्ने कामलाई अघि बढाउने बताउनुभएको छ ।

मंगलवार ललितपुरमा आयोजित न्यायपालिकाको पाँचौ पञ्चवर्षीय रणनीतिक योजना सार्वजनिक कार्यक्रममा बोल्दै उहाँले सो कुरा बताउनुभएको हो ।

मन्त्री चौरसियाले सत्तारुढ नेपाली काँग्रेस र एमालेबीच संविधान संशोधन गरेर अघि बढ्ने सहमती भएकाले त्यसलाई कार्यान्वयन गर्दै अघि बढ्नु आफूहरुको दायित्व भएको बताउनु भयो । उहाँले विगत ८-१० वर्षको अवधिमा संविधानमा देखिएको कमजोरी हटाउनका लागि सरकारले संविधान संशोधनको कामलाई अघि बढाउन लागेको पनि बताउनु भयो । संविधानमा देखिएको समस्या समाधान गर्ने र समावेशी चरित्र पनि कायम राख्ने दायित्वका साथ सरकारले संविधान संशोधनको कामलाई अघि बढाउने मन्त्री चौरसियाको भनाई थियो ।

उहाँले भन्नुभयो,‘संविधानमा भएका कमीकमजोरीहरु, ८-१० वर्षमा संविधानमा देखिएका खाडलहरु पुर्ने काम हाम्रो जिम्मेवारी हो । त्यो समावेशी चरित्र अनुसार आवश्यक परे अहिले नयाँ सरकार बनेपछि सहमती पनि भएको छ–संविधानमा जहाँजहाँ समस्या भएको छ । त्यो खाडलहरुलाई व्यवस्थित गरेर पुर्ने र समावेशी चरित्र पनि कायम राख्ने दायित्वका साथ हामी अगाडि बढ्छौं । यहाँहरुको कुनै अपठ्यारो भए त्यो फुकाउने काम कानूनीमन्त्रीको नाताले मैले गर्छु । हाम्रो सदा सहयोग रहन्छ न्यायपालिकालाई । ’

मन्त्री चौरसियाले न्याय क्षेत्रमा देखिएका अपm्ठ्यारा हटाउनका लागि कानूनीमा देखिएको समस्या तत्काल हल गर्न लागिपर्ने प्रतिवद्धता पनि व्यक्त गर्नुभयो । उहाँले न्यायालयलाई आफूले सदैव सहयोग गर्ने पनि बताउनु भयो ।