सप्तकोशी मे ५६ बरीस एने के उच्च बहाब, सवारीसाधन सञ्चालन मे रोक

धरान १२ कुवार

सप्तकोशी नदी मे ५६ बरीस एने के पानी के बहाब उच्च रहल बा । सन् १९६८ मे सप्तकोशी नदी मे पानी के बहाब प्रतिसेकेन्ड ७ लाख ७७ हजार २ सय क्युसेक पुगल रहे । शनिचर के दिने ५६ बरीस के बाद बहाब प्रतिसेकेन्ड ५ लाख ५७ हजार ३० क्युसेक मापन कईल जिल्ला प्रहरी कार्यालय सुनसरी के प्रवक्ता डीएसपी नविनकृष्ण भण्डारी बतवनी ।

लगातार के वर्षात के चलते सप्तकोशी नदी मे पानी के बहाब बढल उनकर कहनाम बा । सप्तकोशी मे पानी के बहाब १८ नम्बर दुवारी के पुल उपर से बहे लागल रहे । पानी के बहाब सतह पार कईला के बाद कोशी ब्यारेज मे यातायात के साधन सञ्चालन मे रोक लगावल गईल डीएसपी भन्डारी बतवनी । कोशी ब्यारेज मे पानी के सतह सीमा पार कईला के बाद भारतीय दूतावास के निर्देशन मे कोशी ब्यारेज मे यातायात के साधन सञ्चालन मे रोक लगावल गईल बा ।

सप्तकोशी मे पानी के बहाब प्रतिसेकेन्ड एक लाख ५० हजार क्युसेक से बेसी भईला पर खतरा मानल जाला । सप्तशी मे पानी के बहाब से सतह पार कईला के बाद कोशी ब्यारेज के ५६ गो दुवारी खोलल बा । उच्च सतर्कता अपनावत यातायात के साधन बन्द कईल सुनसरी के प्रहरी प्रमुख एसपी बिपिन रेग्मी बतवनी । पानी के बहाब बढला के बाद कोशी ब्यारेज मे खतरा के संकेत स्वरुप लाल बत्ती बारल बा ।

बाढ से होखेवाला सम्भावित घटना के ध्यान देत कोशी आसपास के बासिन्दा के सतर्क रहे खातिर स्थानीय प्रशासन निहोरा कईल सुनसरी के प्रमुख जिल्ला अधिकारी रामचन्द्र तिवारी बतवनी । उ सप्तकोशी आसपास के क्षेत्र मे नेपाल प्रहरी, सशस्त्र प्रहरी आ नेपाली सेना परिचालन करके जनता के जानधन के सुरक्षा करे खातिर टोली परिचालन कईल बतवनी ।