११५ वाँ अन्तर्राष्ट्रिय महिला दिवस के अवसर पर साईकल रेस प्रतियोगिता

प्रभु यादव

बारा २३ फागुन

११५ वाँ अन्तर्राष्ट्रिय महिला दिवस के उपलक्ष्य मे पालिका स्तरिय अन्तर मावि धिमा गति साईकल दौड प्रतियोगिता गढीमाई महेन्द्र प्राविधिक नमुना माध्यमिक विद्यालय मे आयोजना कईल गईल रहे ।

अतिरिक्त क्रियाकलाप अन्तर्गत लईकी सभे के मनोबल बढावत पढाईल मे अगाडि बढावेला धिमि साईकिल रेस प्रतियोगिता कईल गईल रहे ।

इस्लामीक रिलिफ केन्डा, ईस्लामिक रिलिफ नेपाल के आर्थिक सहजोग जन जागरण युवा क्लव द्वारा आयोजना कईल समुदाय के उत्थानशिलता सुदृढिकरण परियोजना अन्तर्गत जनशक्ति युवा क्लव के आयोजना मे साईकल दौड प्रतियोगिता सम्पन्न भईल रहल रहे । आजु लडकी के देखि दम इ रेस जितम हम नारा सहित के प्रतियोगिता आयोजना कईल गईल रहल रहे ।

गढीमाई महेन्द्र प्राविधिक नमुना माध्यमिक विद्यालय बरियारपुर के शर्मिला पटेल, अनुकुमारी जयसवाल, नेपाल राष्ट्रिय माध्यमिक विद्यालय पिप्राविर्ता के शोभा महतो, गुडी पटेल, नेपाल राष्ट्रिय माध्यमिक विद्यालय बगडमपुर के सुसमिता क्षेत्री, सोनी कुमारी सहनी, नेपाल राष्ट्रिय माध्यमिक विद्यालय बबुआईन के आरती कुमारी चौरसिया, करिणा चौधरी, नेपाल राष्ट्रिय माध्यमिक विद्यालय प्रिप्राढी बेनौली के आकृति शर्मा, मिरा कुमारी राम, भोला माध्यमिक विद्यालय गंभवानीपुर के प्रियांका केशरी, निरा कुमारी यादव, जनता माध्यमिक विद्यालय कवही जब्दी के जबिना खातुन, नाजरा खातुन के कलास ९ आ ८ के पढनिहार लईकी लोग प्रतियोगिता मे सहभागी भईल रहनी ।

पहिलका स्थान करिणा चौधरी हासिल कर के सात हजार पाच सय के साईकल सहित मेडल ट्रफि प्रमाण पत्र पुरस्कार जितले बानी । दसरा स्थान अनुकुमारी जयसवाल हासिल कर के पाच हजार बराबर के पढेवाला समाग्री मेडल, ट्रफि आ प्रमाणपत्र जितले बानी ओईसही तिसरका शर्मिला पटेल हासिल करके तीन हजार बरावर के पढाइ मे लागेवाला समाग्री सहित मेडल ट्रफि प्रमाणपत्र लेहले बानी । प्रतियोगिता मे भाग लेहल सभे लईकी लोगन के समान रूवरूप मेडल आ गंजी देहल गईल परियोजना के लेखापाल पवन सहनी जनकारी करावले बानी ।

जनशक्ति युवा क्लव के अध्यक्ष विशाल कुमार लहेरा के सभापतित्व भईल धिमि साईकील रेस प्रतियोगिता मे महागढीमाई नगरपालिका के शिक्षा शाखा प्रमुख रामविश्वास प्रसाद चौरसिया, जन जागरण युवा क्लव के कोषाध्यक्ष सियाराम यादव साझा बाल क्लव के अध्यक्ष सोनाक्षी कुमारी लहेरा लगायत के उपस्थिति रहल रहे । संरक्षण अधिकृत लक्ष्मी खरेल के सञ्चालन मे भईल कार्जक्रम मे मुन्दीका चौरसिया, सुरेश यादव लगायत सभे स्कुल के प्रतिनिधि लोग के सहभागिता रहल रहे ।