राष्ट्रिय युवा संघको खुल्ला केन्द्रिय सदस्य पदमा महमद मेराजको उम्मेदवारी 

काठमाडौं ११ जेष्ठ

राष्ट्रिय युवा संघ नेपालको केन्द्रीय खुल्ला सदस्य पदमा पर्सा जिल्ला पर्सागढी नगरपालिका वडा नं. ५ निवासी महमद मेराजले आफ्नो उम्मेदवारी दर्ता गराएका छन् ।

राष्ट्रिय युवा संघको १०औँ राष्ट्रिय महाधिवेशनको क्रममा यही जेठ १३ गते पोखरामा निर्वाचन हुँदैछ । लामो समयदेखि सङ्गठनमा रहेर गरेको योगदान, हासिल गरेको अनुभव र कुशल नेतृत्व क्षमताका आधारमा मेराजले आफूलाई केन्द्रिय सदस्य पदको दाबेदारका रूपमा प्रस्तुत गरेका हुन् ।

सङ्गठनले दिएको जिम्मेवारी र भूमिकालाई सहर्ष स्वीकार गरी जिम्मेवारीबोधका साथ काम गर्दै आएको कारण पनि आफू स्वाभाविक रूपमा केन्द्रिय सदस्य पदको दाबेदार रहेको उनको भनाइ छ ।

सङ्गठनमा गरेको लामो योगदान, अनुभव र नेतृत्व क्षमताका आधारमा आफ्नो दाबी स्वाभाविक रहेको मेराजको दाबी रहेको छ ।

बिगतमा पनि युवा संघको केन्द्रिय सदस्यको रुपमा रही संगठन र पार्टी प्रति वफादार भई काम गर्दै आएकोले पुनः क्न्द्रिय सदस्यमा उम्मेदवारी दिएको मेराजले यस अनलाईनलाई बताए । विभिन्न जिम्मेवारीमा रहँदा देखाएको वैचारिक परिपक्वता, सङ्गठनप्रतिको निष्ठा र नेतृत्व क्षमताले मेराजलाई सङ्गठनभित्र विश्वासिलो र प्रभावशाली व्यक्तित्वको रूपमा स्थापित गराएको युवा संघकै नेताहरू बताउछँन् ।

विशेषतः सङ्गठनले गरेका हरेक कार्यक्रमको व्यवस्थापन तथा सङ्गठनका हरेक गतिविधि मितव्ययी ढङ्गबाट सञ्चालन गरेको भूमिकाले उनको क्षमताको धेरै नेताहरुले प्रशंसा गर्ने गरेका छन् ।

केन्द्रिय सदस्य पदको आकांक्षी मेराजले १० औं राष्ट्रिय महाधिवेशनमार्फत उम्मेदवारीको औपचारिक घोषणा नगरेको भए पनि उनी सचिव पदका लागि सङ्गठनभित्र आफ्नो बलियो दाबेदारी पेश गरेर बसेका एक सशक्त विकल्प हुन् ।

महाधिवेशनले नौ जना पदाधिकारीसहित १५१ सदस्यीय केन्द्रीय कमिटी चयन गर्नेछ । केन्द्रीय कमिटीमा ३३ प्रतिशत महिलाको सुनिश्चिता गर्ने राष्ट्रिय युवा संघ नेपालले जनाएको छ ।