१५० सङ्क्रमित थपईलें, ६०९ जने ‘डिस्चार्ज’
काठमाण्डु, ६ सावन
नेपाल मे पिछिलका २४ घण्टा मे १५० जने मे कोरोना भाइरस देखल गईल बा ।
अनेकन २७ प्रयोगशाला मे कईल तीन हजार ९६३ नमूना परीक्षण मे १५० जने मे सङ्क्रमण पुष्टि भईल स्वास्थ्य तथा जनसङ्ख्या मन्त्रालय जनवले बा ।
एकरा सँगे नेपाल मे सङ्क्रमित के कूल सङ्ख्या १७ हजार ९९४ पुगल बा ।
आजु सबसे बेसी धनुषा मे २९ जने मे सङ्क्रमण पुष्टि भईल बा । काठमाण्डु उपत्यका मे ९ सङ्क्रमित थपाईल बाडन ।
एहितरे कञ्चनपुर मे २०, महोत्तरी मे १४, दैलेख मे १०, काठमाण्डु आ उदयपुर मे आठ÷आठ, चितवन आ मकवानपुर मे पाँच÷पाँच, बझाङ आ डोटी मे चार÷चार, मोरङ, गोरखा, म्याग्दी, स्याङ्जा, बागलुङ, बाँके, सर्लाही, दाङ आ कैलाली मे तीन÷तीन जने सङ्क्रमित थपाईल बाडन ।
एहितरे झापा, इलाम, पर्सा, रामेछाप आ सल्यान मे दु÷दु तथा सप्तरी, काभ्रेपलाञ्चोक, कैलाली, नुवाकोट, ललितपुर, नवलपरासी मे एक÷एक सङ्क्रमित थपाईल बाडन ।
अभी तक तीन लाख २३ हजार ८३५ नमूना पिसिआर विधि से परीक्षण कईल बा । क्वा
मे २१ हजार ७०४ आ आइसोलेशन मे पाँच हजार ४७७ जने रहल बाडन ।
पिछिलका २४ घण्टा मे कोरोना सङ्क्रमण मुक्त होके ६०९ जने डिस्चार्ज भईल स्वास्थ्य मन्त्रालय के प्रवक्ता डा जागेश्वर गौतम जानकारी देहनी ।
अभी तक १२ हजार ४७७ जने कोरोना मुक्त होके डिस्चार्ज भइल बाडन । जउन कूल सङ्क्रमित के ६९.३४ प्रतिशत बा ।
अभी भी देश के अनेकन अस्पताल तथा आइसोलेशन सेन्टर मे पाँच हजार ४७७ जने सक्रिय सङ्क्रमित के ईलाज हो रहल उ जानकारी देहनी ।
प्रदेश नं २ के रौतहट तथा सुदूरपश्चिम प्रदेश के कैलाली आ बाजुरा मे ५०० से बेसी सक्रिय सङ्क्रमित रहल बाडन ।
सात जिल्ला कोरोना के सक्रिय सङ्क्रमित मुक्त भईल बाडन ।
प्रदेश नं १ के भोजपुर, पाँचथर, धनकुटा आ सङ्खुवासभा, वाग्मती प्रदेश के रसुवा तथा गण्डकी प्रदेश के मनाङ आ मुस्ताङ मे कोरोना के सक्रिय सङ्क्रमित नइखन ।
विश्व मे अभी तक एक करोड ४८ लाख ६६ हजार ३९४ जने मे कोरोना सङ्क्रमण पुष्टि भइल स्वास्थ्य मन्त्रालय जनवले बा ।
उ मेसे छ लाख १३ हजार ५५० जने के कोरोना के चलते मृत्यु भईल बा ।
