वन्यजन्तुसब के अवैध व्यापार तथा चोरी सिकार नियन्त्रण आ जैविक विविधता संरक्षण सम्वन्धि अभिमुखिकरण
मेघराज राय
जीराभवानी ३० कुवार
तराई भू–परिधी कार्जक्रम चितवन के आयोजना तथा पर्सा राष्ट्रिय निकुञ्ज के संयोजन मे “वन्यजन्तुसब के अवैध व्यापार तथा चोरी सिकार नियन्त्रण आ जैविक विविधता संरक्षण” सम्वन्धि १ दिने अभिमुखिकरण कार्जक्रम आजु ठोरी–५ सुवर्णपुर स्थित सुनाखारी उपभोक्ता समिति के सभाहल मे पुरा भईल बा ।
सुनाखरी उपभोक्ता समिति के अध्यक्ष देबि प्रसाद दाहाल के अध्यक्षता मे भईल कार्जक्रम मे पर्सा राष्ट्रिय निकुञ्ज मध्यवर्ती क्षेत्र व्यवस्थापन समिती के अध्यक्ष पदम तितुङ के प्रमुख अतिथ्यता रहल रहे ।
पर्सा राष्ट्रिय निकुञ्ज अन्तर्गत के पन्चमुखी, निर्मल, कुशुमबाटिका आ सुनाखरि उपभोक्ता समिती के प्रतिनिधि तथा संरक्षण मे सरोकार राखेवाला संघ सस्था तथा प्रतिनिधिसब के सहभागीता मे पुरा भईल उ कार्जक्रम मे पर्सा राष्ट्रिय निकुञ्ज के पुर्व चिफ वार्डेन तथा संरक्षण के अभियन्ता रामप्रीत यादब, रेन्जर दिपक तिवारी, तराई भू–परिधी कार्जक्रम के बेदहरी दाहाल से सहजीकरण कईले रहनी । कार्जक्रम मे करिब ३० जने के सहभागीता रहल रहे ।
