जनता समाजवादी पार्टी नेपाल के विरोध सभा
प्रभु यादव
बारा ०३ माघ
बारा के कलैया मे जनता समाजवादी पार्टी नेपाल के विशाल विरोध सभा सम्पन्न भईल बा ।
केन्द्रिय कार्यालय के निर्णय कईल कार्जक्रम अनुसार बिरोध मे जनप्रदर्शन करत प्रधानमन्त्री केपी शर्मा ओली मन्त्रीपरिषद के सिफारिस के आधार मे राष्ट्रपति से कईल प्रतिनिधि सभा भंग के विरोध करत कलैया नगर परिक्रमा कर के श्री ३ चन्द्र मावि मे सभा कईले रहल ।
विरोध सभा मे प्रधानमन्त्री से संसद विघटन कईल कार्य असंवैधानिक अलोकतान्त्रिक आ प्रतिगमन कार्य जनआन्दोलन, जनयुद्ध, मधेस बिद्रोह से प्राप्त गणतन्त्र, धर्म निरपेक्ष धराप मे पारेके खोजल प्रमुख अतिथी जनता समाजबादी पार्टी नेपाल केन्द्रिय कार्यकारी सदस्य तथा प्रदेश नं. २ के भौतिक पुर्बाधार बिकास मन्त्री जितेन्द्र सोनल सम्बोधन करत आरोप लगावले बानी ।
कार्यक्रम के विशिष्ट अतिथी संघिय मामिला तथा अर्थ राज्य मन्त्री उषा यादव, केन्द्रिय कार्यकारी सदस्य रामसहाय यादव, रमेश यादव, केन्द्रिय सदस्य संबिधान सभा सदस्य प्रमोद गुप्ता, एकबाल मिया, रामबाबु कुमार यादव, रामकिशोर यादव, प्रदेश नम्वर २ के प्रदेश सभा सदस्य पारस साह, बारा जिल्ला समन्वय समिति के संयोजक नवल किशोर सिंह, पूर्व जिल्ला विकास समिति सभापति प्रयाग यादव, श्याम गुप्ता, सुशील यादव, भरत खडका आ पिकी यादव लगायत के वक्ता लोग आपन आपन बात राखत संसद पुणःस्थापना ना होई तब तक विरोध करत रहेके बतवले रहनी ।
जसपा के बारा अध्यक्ष अजय पटेल के सभापतित्व मे भईल कार्जक्रम मे स्वागत धर्मेन्द्र यादव कईले रहनी आ सञ्चालन शिवनाथ पटेल, संतोष पटेल कईले रहनी ।
