कामचलाउ सरकार मे तीन उपप्रधानमन्त्री, १२ मन्त्री थपईला पर १३ जने निकललें
काठमाण्डु २१ जेठ
कामचलाउ सरकार के प्रधानमन्त्री केपी शर्मा ओली मन्त्रिपरिषद् पुनर्गठन कईले बानी । जनता समाजवादी पार्टी के महन्थ ठाकुर पक्ष के सरकार मे समावेश करत प्रधानमन्त्री ओली १७ सदस्यीय मन्त्रिपरिषद् गठन कईले बाडन ।
ओकरा खातिर मौजुदा मन्त्रिपरिषद से एक उपप्रधानमन्त्री, ९ मन्त्री आ तीन मन्त्री के हटवले बाडन ।
नयाँ मन्त्रिपरिषद मे तीन उपप्रधानमन्त्री बाडन । प्रधानमन्त्री ओली अर्थमन्त्री विष्णु पौडेल के उपप्रधानमन्त्री मे बढुवा कईले बानी । नेकपा एमाले के रघुवीर महासेठ आ जसपा के वरिष्ठ नेता राजेन्द्र महतो भी उपप्रधानमन्त्री भईल बाडन । उपप्रधानमन्त्री महासेठ के परराष्ट्र आ महतो के शहरी विकास मन्त्रालय के जिम्मेवारी देहल गईल बा ।
आउर के–के भईलें मन्त्री ?
नयाँ मन्त्रिमण्डल मे जसपा से उपप्रधानमन्त्री महतो सहित ८ मन्त्री आ दु राज्यमन्त्री बाडन । शरदसिंह भण्डारी उर्जा, जलस्रोत तथा सिंचाइ मन्त्री अनिलकुमार झा खानेपानी आ लक्ष्मणलाल कर्ण भूमि व्यवस्था, सहकारी तथा गरीबी निवारण मन्त्रालय के जिम्मेवारी मिलल बा ।
एहितरे विमल श्रीवास्तव श्रम, रोजगार तथा सामाजिक सुरक्षा आ उमाशंकर अरगरिया संस्कृति, पर्यटन तथा नागरिक उड्डयनमन्त्री, चन्दा चौधरीलाई महिला, बालबालिका तथा ज्येष्ठ नागरिक आ एकवाल मिया के युवा तथा खेलकुद मन्त्रालय के जिम्मेवारी देहल गईल बा । सत्तारुढ एमाले से शेरबहादुर तामाङ स्वास्थ्य तथा जनसंख्या मन्त्री नियुक्त भईल बाडन । जसपा से चन्द्रकान्त चौधरी उर्जा आ रेनुका गुरुङ महिला बालबालिका राज्यमन्त्री नियुक्त भईल बानी ।
के–के बाहर निकलल ?
मन्त्रिपरिषद से एमाले महासचिव ईश्वर पोखरेल सहित ९ मन्त्री आ तीन राज्यमन्त्री बाहर निकलल बाडन । परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, संस्कृति पर्यटन तथा नागरिकमन्त्री भानुभक्त ढकाल, कृषि तथा पशुपक्षी विकासमन्त्री पद्माकुमारी अर्याल, सञ्चारमन्त्री पार्वत गुरुङ आ भूमि व्यवस्था, सहकारी तथा गरीबी निवारण मन्त्री डा. शिवमाया तुम्बाहाम्फे विदा भईल बाडन ।
एहितरे संघीय मामिला तथा सामान्य प्रशासनमन्त्री गणेश ठगुन्ना, वन तथा वातावरणमन्त्री प्रेमबहादुर आले आ महिला बालबालिका तथा ज्येष्ठ नागरिकमन्त्री जुलीकुमारी महतो भी विदा भईल बानी । स्वास्थ्य राज्यमन्त्री नवराज राउत, शहरी विकास राज्यमन्त्री रामवीर मानन्धर आ उद्योग राज्यमन्त्री विमला विक भी सरकार से विदा भईल बानी ।
के–के बाँचल ?
मौजुदा मन्त्रिपरिषद् के चार मन्त्री के प्रधानमन्त्री ओली कायमे रखले बानी । अर्थमन्त्री पौडेल सँगे भौतिक पूर्वाधारमन्त्री वसन्त नेम्वाङ, शिक्षामन्त्री कृष्णगोपाल श्रेष्ठ आ कानूनमन्त्री लीलानाथ श्रेष्ठ के निरन्तरता देहल गईल बा ।
गृह आ रक्षा प्रधानमन्त्री सँगे
शुक के दिने विस्तार के बाद भी गृहसहित कुछ मन्त्रालय अभी भी मन्त्रीविहीन रहल बा । रामबहादुर थापा बादल पदमुक्त भईला के बाद खाली भईल गृह सँगे रक्षा, सञ्चार, कृषि, उद्योग वाणिज्य, वन तथा वातावरण आ सामान्य प्रशासन मन्त्रालय अभी भी मन्त्रीविहीन बा । अभी के खातिर ई सभी मन्त्रालय के कार्यभार प्रधानमन्त्री हि सम्हरीहें ।
