वीरगंज मे असार १ गते से विद्यालय सञ्चालन होखी
वीरगंज २२ जेठ
वीरगंज महानगरपालिका असार १ गते से क्रमिकरुप मे विद्यालय खोलेके निर्णय कईले बा । महानगरपालिका असार १ गते से विद्यार्थी के उपस्थिति मे किलास ८ से १२ तक किलास सञ्चालन करे लागल बा ।
लईकालइकी के शैक्षिक नोक्सानी के मध्यनजर करत क्रमिकरुप मे विद्यालय सञ्चालन करे लागल महानगरपालिका के तर्क बा ।
शैक्षिक प्रशासन महाशाखा के प्रमुख अरविन्द लाल कर्ण सभी सामुदायिक तथा संस्थागत विद्यालयसब मे पत्राचार करत असार १ गते से विद्यालय सञ्चालन करे खातिर आह्वान कईले बाडन ।
विद्यालय सञ्चालन करे खातिर ७ गो शर्तसब पालना करेके पत्र मे उल्लेख कईल बा । विद्यालय मे भौतिक उपस्थिति कराके पठनपाठन करे खातिर विद्यार्थीलोग के अभिभावकसब से लिखित सहमति लेवेके आ स्वास्थ्य सुरक्षा के मापदण्डसब (मास्क, साबुन, पानी से हाध धोवेके व्यवस्था, सेनिटाइजर भौतिक दुरी, थर्मल गन से बोखार नापेके आदि) अनिवार्य पालना करेके पडि ।
एहितरे दोसर सूचना जारी ना होखे तक सवारी साधन सञ्चालन करे ना मिलेके, शिक्षण सिकाइ के वैकल्पिक उपायसब विद्यालय आ अभिभावकबीच सहमति करके लागु करेके, असार १ गते से ७ गते तक भर्ना लगायत के व्यवस्थापकीय काम करे करावेके, असार ८ गते से १५ गते तक भर्ना सप्ताह अन्र्तगत घरदुवरी कार्जक्रम सञ्चालन करेके, असार १५ गते पश्चात नियमति रुप से पठनपाठन सुरु करे करावेके आ कउनो भी विषम स्थिति देखते मातर शैक्षिक प्रशासन महाशाखा मे जानकारी कराके निर्देशन मुताविक करे करावेके पत्र मे उल्लेख बा ।
वीरगंज महानगर मे निजी आ संस्थागत करके २०० हाराहारी मे विद्यालय बा । नगर प्रमुख विजयकुमार सरावगी कोरोना संक्रमण घटत गईला से विद्यालय सञ्चालन करेके निर्णय भईल बतवनी ।
‘एतवार से हि स्कुल खोलके सरसफाइ करेके, नतिजा निकालेके काम कहल गईल बा । विद्यार्थी भर्ना सँगे किलास सञ्चालन के काम क्रमशः करत जाएके नगर स्तरीय शिक्षा समिति के बईठक से निर्णय भईल बा,’ कहत उ, ‘परिस्थिति मुताविक जरुरी निर्णयसब करत जाईल जाई ।’
