बारा के सिम्रौनगढ़ मे ग्लोबल आईएमई बैंक के बित्तीय साक्षरता कार्जक्रम
प्रभु यादव
बारा २० अगहन
बारा के सिम्रौनगढ़ मे ग्लोबल आईएमई बैंक के एक दिने वित्तीय साक्षरता सम्बन्धी बतकही कार्जक्रम पुरा भईल बा ।
सिम्रौनगढ़ नगरपालिका के स्थानीयबासीलोग के बैंकिङ्ग कारोबार सम्बन्ध मे आधारभूत ज्ञान प्रदान करेके उद्देश्य से आयोजना कईल वित्तीय साक्षरता सम्बन्धी बतकही कार्जक्रम मे सिम्रौनगढ़ नगरपालिका के स्थानीय प्रतिनिधी, समाजसेवी, कृषक, व्यापारी, बुद्धिजिवी, नागरिक समाज लगायत ई सिम्रौनगढ़ क्षेत्र आसपास के करिव ३०० जने के उपस्थिती रहे ।
एक दिने वित्तीय साक्षरता सम्बन्धी बतकही कार्जक्रम मे ग्लोबल आईएमई बैंक के डिजिटल बैंकिंग सपोर्टर सौरभ रिसाल वित्तीय व्यवस्थापन, एकर सही सदुपयोग कईसे कईल जा सकता कहके सम्बन्ध मे आपन कहनामसब राखत छोटा छोटा रकम बचत करत उत्पादनमूलक क्षेत्र मे लगानी करके आयआर्जन के श्रोत बढावे सकेके बारेमे बतवले रहनी ।
कार्जक्रम मे सेवाग्राही के ओरी से ध्रुव कुशवाहा, राकेश कुशवाहा, किरण कुशवाहा, ऋषभदेव ठाकुर, मुकेश मेहता लगायत के लोग वित्तीय व्यवस्थापन के बारे मे आपन आपन सवाल कईले रहलन आ ओकर जवाफ सेन्ट्रल आपरेशन म्यानेजर कमला ओझा देहले रहनी ।
ग्लोबल आईएमई बैंक सिम्रौनगढ़ शाख के आयोजना मे पुरा भईल वित्तीय साक्षरता सम्बन्धी बतकही के सहभागी सभी केहु वित्तीय व्यवस्थापन आ एकर सदुपयोग करके आयअर्जन करेके सम्बन्ध मे आधारभूत ज्ञान प्राप्त करेमे बैंक बिश्वास लेहल बात सिम्रौनगढ़ शाखा प्रमुख किशोर चौधरी बतवनी ।
