को–अपरेटिभ म्यानेजर्स क्लब, पर्सा के कार्जक्रम मे २२ जनानी सहित १०१ जने कईलें खुनदान
वीरगंज २० चईत
६५ वाँ राष्ट्रिय सहकारी दिवस के अवसर मे को–अपरेटिभ म्यानेजर्स क्लब, पर्सा (सिएमसी) वीरगंज मे आजु खुनदान कार्जक्रम के आयोजना कईले बा ।
वीरगंज के माईस्थान मन्दिर प्राङ्गण मे आयोजना कईल कार्जक्रम मे २२ जनानी सहित १०१ जने खुनदान कईले बाडन ।
कार्जक्रम मे क्लब के अध्यक्ष चन्देश्वर चौरसिया, रबिभुषण श्रीवास्तव, श्री निधि साकोसका कृष्ण यादव, हिरालाल चौरसिया, सुस्मा महर्जन, शान्ता श्रेष्ठ, मुरारी सर्राफ, शोभा कुमारी, मधु चौधरी, अभिमन्यु यादव, बिमल चिमारिया, धिरज कुमार चौरसिया, राजिव कुमार झा, अजय प्रजापति, रविकान्त कुमार चौरसिया, उपेन्द्र यादव, शनी साह, रामविनय यादव, राजु पंडित, बब्लु प्रसाद यादव, सुनिल कुमार सोनार, शिवनाथ साह तेली, सावित्री राई, सृजना चौधरी लगायत खुनदान कईले बाडन ।
क्लबका अध्यक्ष चन्देश्वर चौरसिया के अध्यक्षता मे भईल कार्जक्रम मे प्रमुख अतिथि पर्सा के प्रमुख जिल्ला अधिकारी उमेश कुमार ढकाल खुनदान जिवन दान ह कहत आयोजक के धन्यबाद देहले रहनी । हरेक तीन–तीन महिना मे खुन अपने नोक्सान होके नयाँ बनेवाला भईला से सभी स्वस्थ्य नागरिक समय समय मे खुनदान करेके सुझाव देत एक पोका खुन देहला पर केहु के ज्यान बँचला पर ओकरा से बडका पुण्य के काम दोसर ना रहल बतवनी ।
कार्जक्रम मे नेपाल रेडक्रस सोसाइटी पर्सा के अध्यक्ष बिरेन्द्र राज कडेल, रक्त सञ्चार केन्द्र के शौरभराज पाण्डे, राजन श्रीवास्तव, दिलमाया घिमिरे लगायत के टिम प्राविधिक सहजोग कईले रहे ।
उ अवसर मे बचत तथा ऋण सहकारी संस्था के अध्यक्ष राजेश पडित, क्लब के उपाध्यक्ष रबिभुषण श्रीवास्तव, महासचिव दिपक चौधरी, सचिव रामबाबु चौधरी, सम्पूर्र्ण सञ्चालक समिति, शिक्षा उप समिति, अनेकन सहकारी के कर्मचारी लगायत सहकारी क्षेत्र मे लागल आदमीसब के सहभागीता रहल रहे । कार्जक्रम के सञ्चालन सिएमसी के सञ्चालक समिति के संस्थापक अध्यक्ष जिस्नु बराल कईले रहलन ।
खुनदान कार्जक्रम मे कान्तिपुर साकोस, श्री निधि साकोस, गृहलक्ष्मी, ओम शिव शक्ति, सुविधा, सुर्या, सनराईज नेपाल, जन संरक्षण सोकास सहित नेपाल सहकारी वित्तिय संस्था लिमिटेड सहजोग कईल आयोजक क्लब के अध्यक्ष चन्देश्वर चौरसिया बतवनी ।
