सान्भी फाउन्डेसनद्धारा सञ्चालित सिलाई कटाई तालिम बितल
वीरगंज २५ सावन
सान्भी फाउन्डेसन अफ नेपाल वीरगंज पर्साद्धारा सञ्चालित ४५ दिने सिलाई कटाई तालिम के शुक के दिने समापन भईल बा ।
फाउन्डेसन के कार्यालय माईस्थान वीरगंज मे आयोजना कईल समापन कार्जक्रम के प्रमुख अतिथि कृषि अनुसन्धान मधेश प्रदेश के निर्देशक डा. बिशेस्वर प्रसाद यादव तालिम मे सिखल ज्ञान आ सिप के व्यवहार मे उतारे खातिर निहोरा कईले रहनी ।
फाउन्डेसन के अध्यक्ष सानु कुमारी के सभापतित्व मे भईल कार्जक्रम मे विशिष्ट अतिथि वीरगंज महानगरपालिका वार्ड नं. ६ के वार्ड अध्यक्ष जय प्रकाश अग्रवाल, वडा प्रहरी कार्यालय श्रीपुर के बरिष्ठ प्रहरी नायब निरिक्षक टेक बहादुर कार्की, सञ्चारकर्मी रंजित चौरसिया लगायत के सहभागीता रहल रहे ।
तालिम मे सहभागी २५ जने किशोरी तथा जनानीलोग के प्रशिक्षक सानु चौहान प्रशिक्षण देहले रहनी ।
समापन कार्जक्रम मे अंकित चौधरी, निर्मल मिश्र, शशांक कुमार सिंह, कृति पोदार, रत्नेश मिश्र, आविदा खातुन, सोफिया खातुन अंसारी, आकाश शाह, रिजील श्रेष्ठ, सुरज कुशवाहा लगायत के सहभागीता रहल रहे । तालिम मे सहभागीलोग के प्रमुख अतिथि एवं अतिथिलोग प्रमाणपत्र वितरण कईले रहलन ।
