युवा पत्रकार पटेल आपन जन्मदिन मे अनाथ लईकालइकी के सहजोग कईनी
रौतहट १२ भादो
रौतहट के परोहा नगरपालिका वार्ड नं ८ मोतिपुर नरकटिया टोल निवासी मधेश मिडिया प्रालि द्वारा संचालित मधेश प्रदेश अनलाइन संचालक आ रिपोर्टर्स क्लब नेपाल मधेश प्रदेश के कोषाध्यक्ष पत्रकार अभिमनु कुमार पटेल आपन जन्मदिन के अवसर मे गरुडा नपा ४ मे रहल बंशिराम जयसवाल अनाथालय मे २६ जने टुहुरा लईकालइकी के सहजोग करके आपन जन्मदिन मनवले बाडन ।
उलोग के खातिर खासे कुछो करे ना सकला पर भी आपन सकेभर चाउर, दाल, आलु, प्याज, खानेतेल, स्वाबिन, नुन, चकलेट, चोकोफन, सर्फ, कपडा फिंचेवाला साबुन, नहाएवाला साबुन, बिस्कुट लगायत खाद्यान्न सामान देहल गईल पत्रकार पटेल बतवनी । बडका महँगा होटल मे केक काटके लाखो रोपेया खर्च ना करके अनाथालय मे पुगके अनाथालय प्रमुख बंशीराम जयसवाल के सामानसब हस्तान्तरण कईनी ।
पत्रकार पटेल श्री बंशीराम अनाथालय गरूडा मे देश विदेश के अनेकन जगहा से कउनो ना कउनो संयोगबस इहाँ पुगल लईकालइकी के अवस्था बुझत उलोग से खुसी आदान प्रदान करत आपन जन्मदिन विशेष बनावल पटेल बतवले बानी ।
अनाथालय के प्रमुख के लगभग ७५ बरीस से बेसी उमिर पुगल बा माकिर आपन घर परिवार सभी छोड के समाजसेवा के भावना से लम्हर समय से संचालन करत आईल अनाथालय आश्रय मे अभी महंगा हरेक सामान खरिद कईला पर सञ्चालन मे समस्या हो रहल उहाँ के लईकालइकीलोग पत्रकार पटेल के आपन समस्या सुनवले रहलन ।
बंशीराम अनाथालय गरूडा के दुःखदायी अवस्था देखला से अपनेलोग आ आपन लईकालइकी के जन्मदिन लगायत के कार्जक्रम छोट बनाके इहाँ सहजोग करे खातिर पत्रकार पटेल निहोरा कईले बानी ।
